Bulanan nga Para sa Kusog sang mga Lamharon nga Mensahe, Enero 2021

Pamatii, Dungga, kag Sunda

Ni Pangulong Russell M. Nelson

Pangulo sang Ang Simbahan ni Jesucristo sang mga Santos sa Ulihing mga Adlaw

Ni Russell M. Nelson

Gikan sa Abril 2020 nga pamulongpulong sa pangkabilogan nga komperensya.

nagapamati, nagabasa, nagahambal sa pulpito

Mga ilustrasyon iya ni Guev Design

Ang pinakauna nga tinaga sa Doktrina kag mga Kasugtanan amo ang dungga (tan-awa sa Doktrina kag mga Kasugtanan 1:1). Ini nagakahulugan sang “pagpamati nga may intensyon nga magtuman.” Ang dungga nagakahulugan nga “pamatian Sia”—nga pamatian kon ano ang ginahambal sang Manluluwas kag dayon sa pagsunod sang Iya laygay. Sa sining duha ka mga tinaga—“Pamatii Sia”—ang Dios nagahatag sa aton sang sulundan sang kadalag-an, kalipayan, kag kasadya sa sining kabuhi. Dapat naton pamatian ang mga pulong sang Ginuo, dunggon ang mga ini, kag sundon kon ano ang Iya ginsiling sa aton!

Sa diin kita mahimo magkadto agud magpamati sa Iya?

Makakadto kita sa balaan nga mga kasulatan. Mahimo man naton nga pamatian Sia sa templo. Kita man nagapamati sa Iya sing mas maathag samtang aton ginapapino ang aton ikasarang sa pagkilala sang mga paghutik sang Balaan nga Espiritu. Kag, sa katapusan, kita nagapamati sa Iya samtang aton ginasunod ang mga pulong sang mga propeta, mga manugpanan-aw, kag mga manugbaton sang rebelasyon.

Ano ang matabo kon hungdon ninyo nga pamatian, dunggon, kag sundon ang ginhambal sang Manluluwas kag ang Iya ginahambal sa karon paagi sa Iya mga propeta? Ginapromisa ko sa inyo nga pagabugayan kamo sang dugang nga gahum para atubangon ang tentasyon, mga kabudlayan, kag kahuyang. Ginapromisa ko ang mga milagro sa inyo mga relasyon sa pamilya kag sa adlaw-adlaw nga trabaho. Kag ginapromisa ko nga ang inyo ikasarang sa pagbatyag sang kalipay magatubo bisan pa nga magadako ang kagamo sa inyo kabuhi.

Sa Imo Kabuhi

Sa ginpanudlo ni Pangulong Nelson, “nagadungog” kita kon aton ginapamatian kag ginasunod ang mga pinanudlo nga aton nabaton gikan sa Ginuo kag sa Iya mga alagad. Ano ang pwede mo himuon agud mas masunod ang mga pulong sang Ginuo sa imo kabuhi?

© 2020 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, January 2021. Hiligaynon. 17463 861