“Harem, Lisin gud, mo Mekem folem,” Blong Ol Yut Oli Kam Strong, Jen. 2021, 32.
Blong evri Manis Blong Ol Yut Oli Kam Strong, Mesej, Jenuware 2021
Harem, Lisin Gud mo Mekem Folem
I kam long wan toktok blong jeneral konfrens blong Epril 2020.
Ol droing oli kam long Guev Design
Fas toktok long Doktrin mo Ol Kavenan i Lisin (luk long Doktrin mo Ol Kavenan 1:1). I minim blong, “lisin wetem tingting blong obei.” Blong lisin gud i minim blong “harem Hem”—blong harem wanem Sevya i stap talem, mo afta blong mekem folem kaonsel blong Hem. Long tufala toktok ia: “Lisin gud long Hem” God i stap givim yumi ol step blong gat sakses, hapines, mo glad long laef ia. !Yumi mas harem ol toktok blong Lod, lisin gud long ol toktok ia, mo mekem folem wanem Hem i talem long yumi!
?Wea nao yumi save go blong harem Hem?
Yumi save go long ol skripja. Yumi save Lisin gud long Hem tu insaed long tempol. Yumi save Lisin Gud long Hem moa klia tu, taem yumi kam antap long paoa ia blong yumi blong luksave ol kwaet toktok blong Tabu Spirit. Mo laswan, yumi stap harem Hem taem yumi stap mekem folem ol toktok blong ol profet, ol sia, mo ol reveleta.
?Wanem bae i hapen taem yu wantem moa blong stap harem Hem, lisin gud long Hem mo mekem folem wanem Sevya i bin talem, mo wanem Hem i stap talem naoia tru long ol profet blong Hem? Mi promesem yufala se bae yufala i gat blesing blong kasem moa paoa blong fesem ol temtesen, ol hadtaem, mo ol samting we yufala i no strong long hem. Mi promesem yufala ol merikel insaed long mared, famli rilesensip, mo evri dei wok blong yufala. Mo mi promes se paoa blong yu blong filim glad, bae i kam antap moa iven sapos ol trabol oli kam fulap long laef blong yu.
© 2020 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6 /19. Translesen blong Monthly For the Strength of Youth Message, January 2021 Bislama. 17463 852