මාසික මිතුරා පණිවිඩය, 2026 අගෝස්තු

එස්තර් රැජින

එස්තර් කියන්නෙ පර්සියාවේ ජීවත් වූ ඊශ්‍රායෙල් ජාතිකයෙක් එහෙම නැත්නම් යුදෙව්වෙක්.‍ රජතුමා ඇයව තම රැජින ලෙස තෝරා ගත්තා.

හාමාන් තමයි රජුගේ සේවකයා වුණේ. හැමෝටම ඔහුට හිස නමන්න සිද්ධ වුණා. නමුත් එස්තර්ගේ ඥාති සහෝදරයා වන මොර්දෙකයි නමස්කාර කළේ ස්වාමින්වහන්සේට විතරයි.

හාමාන් කෝපයට පත් වෙලා යුදෙව්වන් නීතිය අනුගමනය කරන්නේ නැහැ කියලා රජුට පැවසුවා. සියලුම යුදෙව්වන් මරා දමන්න කියලා අලුත් නීතියක් පනවන්න රජු හාමාන්ට ඉඩ දුන්නා.

හාමාන්ගේ නීතිය වෙනස් කිරීම ගැන රජු සමඟ කතා කරන ලෙස මොර්දෙකයි එස්තර්ගෙන් ඉල්ලා සිටියත්, ඇය බිය වුණා. සමහර වෙලාවට ආරාධනයක් නැතුව තමා වෙත එන මිනිසුන්ව රජු මරා දැමුවා.

ස්වාමින්වහන්සේ එස්තර්ව රජුගේ මාළිගාවේ තබන්නට ඇත්තේ යුදෙව්වන්ව බේරා ගැනීමට බව මොර්දෙකයි පැවසුවා.

රජු සමඟ කතා කරන්න ඕනේ කියලා එස්තර් දැන සිටියා. ඇය යුදෙව්වන්ගෙන් සහ ඇගේ සේවකයන්ගෙන් ඇය සමඟ නිරාහාර ශීලය කරන ලෙස ඉල්ලා සිටියා.

එස්තර් දින තුනක් නිරාහාර ශීලීව සිටියා. ඇය රජු ලඟට ගිය විට, ඔහු තම යෂ්ටිය දිගු කළා. මෙයින් අදහස් වුණේ ඔහු ඇයව දැකීමෙන් සතුටු වුණ බවයි. හාමාන්ගේ නීතිය නිසා තමා සහ ඇගේ සෙනඟ මරණයට පත්විය හැකි බව එස්තර් රජුට පැවසුවා.

රජතුමා යුදෙව්වන්ව ආරක්ෂා කරන අලුත් නීතියක් පැනෙව්වා. ස්වාමින්වහන්සේ ගැන තිබුණ එස්තර්ගේ ඇදහිල්ල සහ ඇගේ ධෛර්යය ඇගේ සෙනඟව බේරාගත්තා.

පාට කරන පිටුව

මට යේසුස් ක්‍රිස්තුස්වහන්සේ ගැන අන් අයට පවසන්න පුළුවන්

නිදර්ශනය ඕඩ්‍රි ඩේ විසින්. සභාවේ භාවිතය සඳහා පමණක් පිටපත් කළ හැකිය.

ඔබට ශුභාරංචිය බෙදා ගන්න පුළුවන් කා සමඟ ද? යාච්ඤා කර ඉල්ලන්න!

© 2026 by Intellectual Reserve, Inc. All rights reserved. ඇඑජ හි මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly Friend Message, August 2026 හි පරිවර්තනයකි. Sinhala. 20058 408