Mulunda
Esetê Mukaji wa mfumu
Mulunda wa Ngondu wa Muanda Mukulu 2026

“Esetê Mukaji wa Mfumu,” Mulunda, Ngondu wa Muanda Mukulu. 2026, 46–48.

Mukenji wa ku Ngondu wa Mulunda, Ngondu wa Muanda Mukulu 2026

Esetê Mukaji wa mfumu

Tshimfuanyi tshia Esetê Mukaji wa mfumu ne mfumu

Esetê uvua muena Isalele, anyi Muena Yuda, uvua musomba mu Pelese. Mfumu wakamusungula bua kuikala mukaji wenda.

Tshimfuanyi tshia Hamana mufika tshiji molola tshianza kudi Môdekai, udi muimana

Hamana uvua musadidi wa mfumu. Muntu yonsu uvua ne bua kuinama kudiye. Kadi Môdekai muanabu ne Esetê uvua winama amu kumpala kua Mukalenga.

Tshimfuanyi tshia musalayi ubala mu muvungu

Hamana uvua ne tshiji ne wakambila mfumu ne Bena Yuda kabavua banemeka mukenji to. Mfumu wakalekela Hamana wenza mukenji mupia-mupia ne Bena Yuda bonsu badi bashipibua.

Tshimfuanyi tshia Môdekai wakula ne Esetê

Môdekai wakalomba Esetê bua akula ne mfumu pa dikudimuna dia mukenji wa Hamana, kadi wakapeta bowa. Misangu mikuabu mfumu uvua ushipa bantu bavua balua kudiyi kakuyi dibikila.

Tshimfuanyi tshia Esetê mu nzubu wa mfumu utangila bapitshi

Môdekai wakamba ne Mukalenga uvua mua kuikala muteka Esetê mu nzubu wa mfumu bua kupandisha Bena Yuda.

Tshimfuanyi tshia Esetê ne bakaji babidi batua binu ne basambila

Esetê uvua mumanya ne uvua ne bua kuakula ne mfumu. Wakalomba Bena Yuda ne basadidi benda bua bajila biakudia nenda.

Tshimfuanyi tshia mfumu mulola dikombu dienda kudi Esetê

Esetê wakajila biakudia bua matuku asatu. Pakayaye kudi mfumu, wakamoluela dikombu dienda. Etshi tshivua tshiumvuija ne uvua ne disanka bua kumumona. Esetê wakambila mfumu ne yeya ne bantu benda badi mua kushipibua bualu bua mukenji wa Hamana.

Tshimfuanyi tshia Esetê mutangila mulu ku nsesa ya diba

Mfumu wakenza mukenji mupia-mupia uvua ukuba Bena Yuda. Ditabuja dia Esetê mu Mukalenga ne dikima dienda biakapandisha bantu benda.

Dibeji dia Kufita Dikala

Ndi Mua Kuambila Bakuabu Bua Yezu Kilisto

Dibeji dia PDF dia difita dikala dia nsongaluma mu tshimanyinyi tshia bus uleja shimfuanyi tshia Yezu Kilisto kudi nsongakaji ibidi

Bimfuanyi bia kudi Audrey Day. Bidi mua kutentudibua bua dienzela dia Ekelezia nkayadi.

Nganyi uwudi mua kuabanyangana nenda lumu luimpa? Sambila ne lomba!

© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly The Friend Message, August 2026. Tshiluba. 20058 760