Mahlwem Nuhkwewa Kawuck Pweng, Ohkohs 2026

Kasra Esther

Esther el Mwet Israel, kuh Jew se, suc muhta fin acn Persia. Tohkohsrah el sulwaclah elan pa muhtwacn kiacl uh.

Haman el mwet kuhlwacnsap se lal tohkohsrah Mwet nuhkewa enenuh in epahsr nuh sel. Tuhsruhk kuhsin se lal Esther inel pa Mordecai el epahsr muhkena nuh sin Leum.

Haman el ahngyahng ac fahk nuh sel tohkohsrah lah Mwet Jew tiacna ukwe masap uh. Tohkohsrah el sang nuh sel Haman elan oraclah masap sasuc se fahk lah Mwet Jew nuhkewa e acnwucki.

Mordecai el siyuck sel Esther in sramsram nuh sel tohkohsrah elan ekuhlah masap se lal Haman ah, tuhsruhk Esther el sahngweng. Kuhtuh pacl uh tohkohsrah elac uniyac mwet uh fin elos som nuh yohrohl uh wacngihn solsol ituckyang nuh selos.

Mordecai el fahk lah Leum El fihlilyac Esther lin lohm sin tohkohsrah elan kuh in molwelah Mwet Jew.

Esther el etuh lah el enenuh in sramsram nuh sel tohkohsrah. El siyuck sin Mwet Jew ac mwet kuhlwacnsap lal ah in weluhl lalo.

Esther el lalo ke lwen tolu. Ke el som nuh yohrohl tohkohsrah ah, tohkohsrah el kohlah sahk soko nahtuhl ah. Kalmac pa el engan in liyacl. Esther el fahk nuh sel tohkohsrah lah el ac mwet lal ah e acnwucki ke srihpen masap se lal Haman ah.

Tohkohsrah el oraclah masap sasuc se in karihngihnyuck Mwet Jew ah. Luhlahlfongi lal Esther ke Leum ac puhlaik lal molwelah mwet lal.

Sra puk in sroal

Nga Kuh in Fahk Nuh Sin Mwet Sahyac Kacl Jisus Kraist

Sroalah sel Audrey Day. Kuh in kapiyucki in orekmakihnyuck nuhke Alu muhkwena.

Suc kom kuh in akacsruhi wosasuc nuh se uh? Pruhe ac siyuck!

© 2026 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac luhn lweng: 6/19. Lwenglah luhn Mahlwem Nuhkewa Kawuck Pweng, Ohkohs 2026. Kosraean. 20058 868