Binulan a Mensahe iti Friend, Agosto 2026

Reyna Ester

Maysa nga Israelita, wenno Judio ni Ester, a nagnaed iti Persia. Pinili ti ari nga agbalin a reynana.

Ni Haman ket maysa nga adipen ti ari. Masapul nga agtamed kenkuana ti tunggal maysa. Ngem ti kasinsin ni Ester a ni Mardokeo ket agtamed laeng iti Apo.

Nagpungtot ni Haman ket imbagana iti ari a saan a sinurot dagiti Judio ti linteg. Isu a pinagaramid ti ari ni Haman iti maysa a baro a linteg a mapapatay ti amin a Judio.

Kiniddaw ni Mardokeo ni Ester a makisarita iti ari maipapan iti panangbalbaliw iti linteg ni Haman, ngem mabuteng ni Ester. No dadduma pinapatay ti ari dagiti tao nga immay kenkuana a saan a naawis.

Kinuna ni Mardokeo a mabalin nga inkabil ti Apo ni Ester iti palasio ti ari a mangisalakan kadagiti Judio.

Ammo ni Ester a masapul a makisarita iti ari. Indawatna iti amin a Judio ken dagiti adipenna a makipagayunoda kenkuana.

Nagayuno ni Ester iti tallo nga aldaw. Idi immasideg iti ari, iniggamanna ti setrona. Kayat a sawen daytoy a naragsak a makakita kenkuana. Imbaga ni Ester iti ari nga isu ken dagiti taona ket mapapatay gapu iti linteg ni Haman.

Nagaramid ti ari iti maysa a baro a linteg a nangsalaknib kadagiti Judio. Ti pammati ni Ester iti Apo ken ti turedna a makisarita iti ari ti nangisalakan kadagiti taona.

Panid ti Panagkolor

Maibagak Kadagiti Dadduma Maipapan ken ni Jesucristo.

Dagiti Ilustrasion ni Audrey Day. Mabalin a kopiaen para iti pakausaran laeng ti Simbaan.

Siasino ti mabalinmo a pangibinglayan iti ebanghelio? Agkararag ken agkiddaw!

© 2026 ti Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, August 2026. Ilokano. 20058 864