Ɔfiɔŋ-ke-ɔfiɔŋ Etop eke Ufan, August 2026

Ɔbɔŋ-aŋwan Esther

Esther ekedi eyen Israel, mme owo Jew, emi okoduŋde ke Persia. Edidem ama emek enye ndidi ɔbɔŋ-aŋwan esie.

Haman ekedi isuŋutom edidem. Kpukpru owo akana nte etuak-ibuot enɔ enye. Edi cousin Esther Mordecai edituak-ibuot kpɔt inɔ Jehovah.

Haman ama ayat esit onyuŋ ɔdɔhɔ edidem ke mme Jew ikinamke ewuhɔ. Edidem ama ayak Haman anam obufa ewuhɔ ete ke eyewot ofuri mbon Jew.

Mordecai edidɔhɔ Esther ete eneme-nneme ɔnɔ edidem kabaŋa edikpuhɔ ewuhɔ eke Haman, edi enye ama okop ndik. Usuk-ini edidem esiwot mbonowo emi edide ebine enye eke mibɔhɔ unyime-ikoot.

Mordecai ɔdɔhɔ ke ekeme ndidi Jehovah okonim Esther ke ufɔk edidem man anyaŋa mbon Jew.

Esther ama ɔdiɔŋɔ ke ana imɔ itiŋ ikɔ inɔ edidem. Enye ɔdɔhɔ mbon Jew ye mme isuŋutom esie ete etie utre-udia ye enye.

Esther eketie utre-udia ke usen ita. Ke ini enye akakade ndikut edidem, enye ama anyan esaŋ-ubɔŋ esie. Emi ɔwɔrɔde ke enye ama enem esit ndikut enye. Esther edidɔhɔ edidem ke eyewot enye ye ikɔt esie otode ke ewuhɔ eke Haman.

Edidem ama anam obufa ewuhɔ emi ekekpemede mbon Jew. Mbuɔtidem emi Esther ekenyenede ke Jehovah ye uko esie ama anyaŋa ikɔt esie.

Edidebi Ikpa-ŋwed

Ami Mmekeme Editiŋ-nnɔ Mbon Efen Kabaŋa Jesus Christ

Mme men-ŋwut ndise otode Audrey Day. Ekeme ndimiŋ eda enam utom Ufɔk Abasi kpɔt.

Anie owo ke afo ekeme edibuana ikɔ-Abasi ye enye? Bɔŋ-akam yuŋ bup!

© 2026 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime ndikabare ke Ikɔ Mbakara: 6/19. Enyime ndikabare: 6/19. Ndikabare eke Ɔfiɔŋ-ke-ɔfiɔŋ Etop eke Ufan, August 2026. Efik. 20058 553