Binulan a Mensahe iti Friend, Hulio 2026

Agasan ni Eliseo ni Naaman

Maysa ni Naaman a kapitan iti buyot ti Siria. Adda nakaro a sakitna iti kudil a maaw-awagan iti kukutel.

Adda adipen ti asawa ni Naaman nga Israelita a balasitang. Adda pammati ti balasitang iti Apo. Kinunana a no masarungkaran ni Naaman ni propeta Eliseo, malaingan ni Naaman.

Nagbaniaga ni Naaman iti adayo tapno mapan iti balay ni Eliseo. Imbaon ni Eliseo ti adipenna a mangibaga ken ni Naaman nga agasan ti Apo ni Naaman no buguanna ti bagina iti karayan Jordan iti mamimpito a gundaway.

Nakagura ni Naaman gapu ta kayatna a rummuar ti propeta ti Apo ket agasanna daytoy. Nagdayengdeng ni Naaman gapu ta saan a nasayaat ti Karayan Jordan a kas kadagiti napipintas a karayan iti Siria.

Ngem dinamag dagiti adipen ni Naaman ken ni Naaman no apay a dina aramiden ti simple nga aramid a kiniddaw ti propeta ti Apo kenkuana.

Insardeng ni Naaman ti panagbalinna a napannakkel ket dimngeg kadagiti adipenna. Binugguanna ti bagina iti Karayan Jordan iti mamimpito a gundaway, ket pinaimbag ti Apo. Ammo ni Naaman a maysa a propeta ni Eliseo ken pudno ti Apo.

Panid ti Panagkolor

Isuro Kaniak dagiti Nasantuan a Kasuratan a Sumurotak ken ni Jesucristo

Dagiti Ilustrasion ni Audrey Day. Mabalin a kopiaen para iti pakausaran laeng ti Simbaan.

Ania nga estoria ti nasantuan a kasuratan ti tumulong kenka a mangsurot ken ni Jesus?

© 2026 ti Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, Hulio 2026. Ilokano. 20066 864