Mesaj Mansyèl Friend, Jiyè 2026

Elize Geri Naaman

Naaman sete yon kapitèn nan lame Siryen an. Li te gen yon maladi po ki rele lèp ki t ap fè l mal anpil.

Madanm Naaman te gen yon sèvant ki sete yon tifi Izrayelit. Tifi a te gen lafwa nan Senyè a. Li te di si Naaman te vizite pwofèt Elize, Naaman t ap geri.

Naaman te fè yon vwayaj byen long pou l te ale lakay Elize. Elize te voye sèvitè l la al di Naaman ke Senyè a t ap geri l si l te lave kò l sèt fwa nan rivyè Jouden an.

Naaman te fache paske li te vle pou pwofèt Senyè a te soti pou vin geri li. Naaman te plenyen dèske rivyè Jouden an pa te osi bon ke gwo rivyè nan peyi Siri yo.

Men, sèvitè Naaman yo te mande Naaman poukisa li pa te vle fè tach senp pwofèt Senyè a te mande l fè a.

Naaman te sispann aji ak ògèy epi li koute sèvitè l yo. Li te lave kò l sèt fwa nan rivyè Jouden an, epi Senyè a te geri li. Naaman te konnen Elize sete yon pwofèt epi Senyè a te reyèl.

Paj pou Kolorye

Ekriti yo Anseye Mwen pou M Suiv Jezikri

Ilistrasyon pa Audrey Day Ka kopye sèlman pou itilizasyon Legliz la

Ki istwa ekriti ki ede ou suiv Jezi?

© 2026 by Intellectual Reserve, Inc. Tout dwa rezève. Enprime Etazini Damerik. Apwobasyon Anglè: 6/19. Apwobasyon tradiksyon: 6/19. Tradiksyon Monthly The Friend Message, June 2026. Haitian Creole. 20066 036