Umyalezo Wanyanga Zonke weFriend (Umngani), ngoJuni 2026

UDavide noGoliyathi

AmaFilisti ayehlasela abakwa-Israyeli. Njalo ekuseni umdondoshiya wamaFilistini obizwa ngoGoliyathi wayephonsa inselelo kwabakwa-Israyeli ukuba balwe naye, kepha akekho owayengalinge akwenze lokho.

UDavide wayengumelusi omncane ongumfana owayenokholo eNkosini. Ngolunye usuku, uDavide wayisa ukudla kubafowabo ebuthweni lakwa-Israyeli futhi wayizwa inselele kaGoliyathi.

UDavide wathi wayengesabi yena ukulwa noGoliyathi. INkosi yayimvikele uDavide lapho elwa nengonyama nebhele ngenkathi elusa izimvu zakhe. Wayazi ukuthi iNkosi yayizomvikela futhi.

UDavide waqoqa amatshe asulekile amahlanu. Wathatha isihlilingi sakhe waya ukuyobhekana noGoliyathi.

Ngesikhathi uGoliyathi ebona uDavide, wahlekisa ngaye. Wathi wayengeke ehlulwa ngumfana ongumelusi yena.

UDavide wagijimela kuGoliyathi waphonsa itshe ngesihlilingi sakhe. Itshe lamshaya uGoliyathi esiphongweni, indoda engumdondoshiya yawela phansi.

Ngesikhathi amaFilisti ebona ukuthi uGoliyathi wayesefile, abaleka. Abakwa-Israyeli bayinqoba impi! UDavide wayethemba iNkosi, futhi iNkosi yamvikela u-Israyeli.

Ikhasi Lokufaka Imibala

Ukholo kuJesu Kristu Lungangisiza Ngibe neSibindi.

Imifanekiso yenziwe ngu-Audrey Day. Ingakopishwa ukuze isetshenziswe eBandleni kuphela.

UJesu ukusize nini ukuba ube nesibindi?

© 2026 ngabakwaIntellectual Reserve, Inc. Wonke amalungelo agodliwe. Ishicilelwe eMelika. Usuku okuvunywe ngalo ukuba lesi sifundo sishicilelwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly Friend Message, April 2026. Zulu. 20063 783