මාසික මිතුරා පණිවිඩය, 2026 ජුනි

දාවිත් සහ ගොලියත්

පිලිස්තිවරු ඊශ්‍රායෙල්වරුන්ට පහර දෙමින් සිටියා. සෑම උදෑසනකම ගොලියත් නම් යෝධයෙක් ඕනෑම ඊශ්‍රායෙල් ජාතිකයෙකුට තමා සමඟ සටන් කිරීමට අභියෝග කළ නමුත් කිසිවෙකු එඩිතර වූයේ නැහැ.

දාවිත් ස්වාමින්වහන්සේ කෙරෙහි ඇදහිල්ල තැබූ එඬේර පිරිමි ළමයෙක් වුණා. දිනක් දාවිත් ඊශ්‍රායෙල් හමුදාවේ සිටි තම සහෝදරයන්ට ආහාර රැගෙන ගිය අතර එහි දී ගොලියත්ගේ අභියෝගයට සවන් දුන්නා.

ගොලියත් සමඟ සටන් කිරීමට තමා බිය නොවන බව දාවිත් පැවසුවා. දාවිත් තම බැටළුවන් බලාගනිමින් සිටිය දී සිංහයෙකු හා වලසෙකු සමඟ සටන් කළ විට, ස්වාමින්වහන්සේ ඔහුව ආරක්ෂා කර තිබුණා. ස්වාමින්වහන්සේ ඔහුව නැවතත් ආරක්ෂා කරන බව ඔහු දැන සිටියා.

දාවිත් සුමට ගල් පහක් එකතු කළා. ඔහු තම ගල්පටිය රැගෙන ගොලියත්ට මුහුණ දීමට ගියා.

ගොලියත් දාවිත්ව දැක්ක ගමන් ඔහුට විහිළු කළා. එඬේර පිරිමි ළමයෙකුට ඔහුව පරාජය කළ නොහැකි බව ඔහු පැවසුවා.

දාවිත් ගොලියත් දෙසට දිව ගොස් ඔහුගේ ගල්පටියෙන් ගලක් විද්දා. ගල ගොලියත්ගේ නළලේ වැදුණු අතර, එම යෝධ මිනිසා බිම වැටුණා.

ගොලියත් මිය ගිය බව දුටු පිලිස්තිවරු පලා ගියා. ඊශ්‍රායෙල්වරු සටන දිනුවා! දාවිත් ස්වාමීන්වහන්සේ කෙරෙහි විශ්වාස කළා, ස්වාමීන්වහන්සේ ඊශ්‍රායෙල්වරුන්ව ආරක්ෂා කළා.

පාට කරන පිටුව

යේසුස් ක්‍රිස්තුස්වහන්සේ කෙරෙහි ඇදහිල්ල මට ධෛර්යමත් වීමට උපකාර කරනවා.

නිදර්ශනය ඕඩ්‍රි ඩේ විසින්. සභාවේ භාවිතය සඳහා පමණක් පිටපත් කළ හැකිය.

යේසුස්වහන්සේ ඔබට නිර්භීත වීමට උදව් කළේ කවදා ද?

© 2021 by Intellectual Reserve, Inc. All rights reserved. ඇඑජ හි මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly The Friend Message, June 2026 හි පරිවර්තනයකි. Sinhala. 20063 408