Binulan a Mensahe iti The Friend, Hunio 2026

Da David ken Goliat

Dagiti Filisteo a mangdardarup kadagiti Israelita. Tunggal bigat kinarit ti higante a Filisteo nga agnagan iti Goliat ti ania man nga Israelita a makiranget kenkuana, ngem awan ti nakaitured.

Maysa nga agtutubo a pastor ni David nga addaan iti pammati iti Apo. Maysa nga aldaw, nangipan ni David iti taraon kadagiti kakabsatna iti buyot ti Israel ket nangngegna ti karit ni Goliat.

Kinuna ni David ket a saan a mabuteng a makiranget ken ni Goliat. Sinalakniban ti Apo ni David idi nakiranget iti maysa a leon ken oso bayat ti panangaywanna kadagiti karnerona. Ammona a salakniban manen ti Apo.

Nangurnong ni David iti lima a nalinis a batbato ket inkabilna dagitoy iti maysa a supot. Innalana ti palsiitna ket napanna sinango ni Goliat.

Idi nakita ni Goliat ni David, inumsina daytoy. Kinunana a saan a maabak isuna ti maysa a pastor nga ubing a lalaki.

Nagtaray ni David nga immasideg ken Goliat ket nangitiro iti bato babaen ti palsiitna. Nagdisso ti bato iti muging ni Goliat, ket nadalupo iti daga ti higante a lalaki.

Idi nakita dagiti Filisteo a natayen ni Goliat, nagtarayda a sibubuteng. Nangabak dagiti Israelita iti dangadang! Nagtalek ni David iti Apo, ket sinalakniban ti Apo ti Israel.

Panid ti Panagkolor

Makatulong Kaniak ti Pammati ken ni Jesucristo a Maaddaan iti Tured

Dagiti Ilustrasion ni Audrey Day. Mabalin a kopiaen para iti pakausaran laeng ti Simbaan.

Kaano a tinulongannaka ni Jesus nga agbalin a natured?

© 2026 ti Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly The Friend Message, June 2026. Ilokano. 20063 864