Nzubu wa Lukanu wa Liberty

Bantu ba bungi ba mu Missouri kabavua bananga bansantu to. Nguvena wakatuma basalayi bua kubipata.

Muntu pa mpunda ufunkuna Joseph Smith ne muela wa mvita

Basalayi bakakuata Joseph Smith ne balombodi bakuabu ba Ekelezia. Butuku bukuabu, balami bavua baseka bua bintu bibi bivuabu benzela bansantu.

Joseph Smith musuika bianza ne nkanu, muimana kulu ne wakakula kudi bantu baluma.

Joseph Smith wakimana kulu ne kuela lubila, “Lekelayi mutoyi!” Uvua wakula ne bukola bua Nzambi. Balami bakalomba lusa ne bakalekela diakula.

Joseph Smith ne bakuabu bantu mu Nzubu wa Lukanu wa Liberty babungama ne bumvua mashika

Pashisha, Joseph ne balunda benda bakedibua mu nzubu wa lukanu mu tshimenga tshibikidibua Liberty. Nzubu wa lukanu ewu uvua mukesa, muvua mashisha, ne mufika. Muvua nsona ya manyanu ya kuladila. Biakudia bivuabu babapesha biakabasamisha.

Joseph Smith udila ne muntu umukankamika

Joseph Smith uvua udiabakena bua basantu. Kadi kakuvua mushindu wa kuenza tshintu nansha tshimua bua kubambuluisha to.

Joseph Smith mutua binu bua kusambila mu nzubu wa lukanu

Joseph wakasambila bikola. Wakakonka pikala Nzambi ukavua mubapua moyo ne bidimba bia Ekelezia.

Joseph Smith mutua binu mu nzubu wa lukanu, mutangila bukenka bua diba buvua bubuela pa ka didishi kakesa

Nzambi wakandamuna disambila dia Joseph. Wakamba, “ Muananyi, ditalala dikala mu anyima weba.” Nzambi wakambila Joseph ne makenga enda kâkunenga bua kashidi to ne neikala bua buimpa buenda. Wakalaya ne neikala ne Joseph “bua kashidi ne kashidi” (Dilongesha ne Bipungidi 121:7, 46).

Dibeji dia Kufita dikala muendu, mabua ne buatu bua tshilamba pa mbuwa.

© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Friend Message, August 2025. Tshiluba. 19642 760