Mukenji wa ku Ngondu wa Mulunda, Ngondu wa Muanda Muteketa 2025

Bapostolo Badi Basadila Mudimu wa Bukenji mu Grande Bretagne

Mukalenga wakambila Joseph Smith bua kutuma bamua bapostolo mu mudimu wa bukenji mu Grande Bretagne. Bivua bikola bua bapostolo kushiyabu mêku abu, kadi Mukalenga wakalaya bua kubabenesha.

Herber C. Kimball ne mukajenda, Valite, bavua ne dîku dikesa. Babunyi ba kudibu bavua basama bikola.

Brigham Young uvua usama bienda, ne dîku dienda divua dipela. Kadi mukaji wa Brigham Young, Mary Ann, wakamuambila, “Yaku ne enza mudimu wa bukenji weba, ne Mukalenga neakubenesha.”

Heber ne Brigham bakumvua bimpa, kadi bavua batshioka bikola. Bakasua bua kuyisha lumu luimpa, bakalaya mêku abu ne kubanda panyima pa ditempua bua kutuadija luendu luabu.

Panyima pa luendu lule lua pa mbû, Heber ne Brigham bakafika mu Grande Bretagne. Ne bapostoto bakuabu, bakalongesha bantu ba bunyi lumu luimpa. Binunu bia bantu biakatambula mu Ekeleziya wa Yezu Kilisto. Ba bungi ba kudibu bakenza luendu lua pa mbû bua kudisangisha ne bansantu mu Etats Unis.

Mukalenga wakalama mulayi wenda wa kulama mêku a Heber ne Brigham pavuabu bamusadila bu bena bukenji.

Dibeji dia Kufita dikala

Nzambi Wakafuka Tshifukibua Tshionsu Tshidi pa Buloba.

Bimfuanyi bia kudi Corey Egbert

Tshifukibua kayi tshiwudi munanga bikola?

© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Friend Message, July 2025. Tshiluba. 19639 760