Umyalezo Wanyanga Zonke weFriend (Umngani), ngoJuni 2025

Ukwakha iThempeli laseKirtland

INkosi yatshela uJoseph Smith ukuthi kwase kuyisikhathi sokwakha ithempeli eKirtland, e-Ohio, ezweni laseMelika. Kwakuzoba yindawo ekhethekile lapho iNkosi yayizohambela khona abantu Bayo futhi yenze izethembiso nabo.

AbaNgcwele baqala ukwakha ithempeli. Kwabiza imali eningi kakhulu futhi kungumsebenzi omningi. Kodwa babejabule kakhulu ukuthola izibusiso zeNkosi.

Njengoba abaNgcwele babesebenza ethempelini, baqala ukuphelelwa yimali. Bakhuleka kuNkulunkulu becela usizo.

Owesifazane ogama lakhe lingu-Caroline Tippets nomndeni wakhe babebeke imali eningi kakhulu. Bavuma ukuboleka iBandla imali yokusiza ukwakha ithempeli.

AbaNgcwele basebenza kanzima. Abanye bashayela izinqola ezazigcwele amatshe. Abanye benza izingubo zokugqoka nokudla benzela abasebenzi.

Izingane zaqoqa izingcezu zengilazi ephukile ukuze zigaywe bese zibekwa ezindongeni zethempeli ukuze zibenyezele ekukhanyeni kwelanga.

Kungekudala nje ithempeli lase liqediwe! AbaNgcwele babethakasile kakhulu ukungena endlini yeNkosi bathole izibusiso ayebathembise zona Yena.

Ikhasi Lokufaka Imibala

INkosi iyangazi ukuthi Ngingubani futhi Iyangithanda

Umfanekiso nguCorey Egbert

Dweba ubuso bakho embhoxweni. Wazi kanjani ukuthi uJesu Kristu uyakuthanda?

© 2025 ngabakwa Intellectual Reserve, Inc. All rights reserved. Igaywe eMelika. Usuku okuvunywe ngalo ukuba lesi sifundo sishicilelwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly Friend Message, NgoJuni 2025. Zulu. 19643 783