Lucy Udi Upeta Bulelela

Nsonga mukaji ukangula tshîbi bua kushila tshisumbu tshia bantu baluma bua kubuela padi mamu musomba kuluseka utela

Dituku dikuabu, Lucy uvua muikala ne bidimu 15 uvua wambuluisha muena mutumba nenda, Abigail Daniels, bua kutela bilamba. Pavuabu benza mudimu, bena bukenji basatu bakakokola ku tshîbi. Bakamba ne Yezu Kilisto uvua mubatuma bua kutangalaja mukenji.

Mukaji udi utela ukewuka padi bantu baluma bakula ne muana wa bakaji

Pashisha bantu baluma bakambila Abigail ne Lucy ne Yezu Kilisto wakabikila Joseph Smith bua kuikala muprofete. Bakabambila kabidi bua Mukanda wa Molomo.

Muntu mukaji ne tshiji wipata bantu baluma pambelu pa nzubu wenda

Diakamua Lucy wakomona Abigail mufika tshiji. Wakipata bena bukenji .

Bantu baluma batangila panyima pavua muana wa bakaji ubalonda lubilu panyima pabu

Lucy wakamanya ne bena bukenji bavua basadidi ba Nzambi. Wakabambila bua kuya kukumbula dîku dienda kuishi kua njila.

Bantu ku mesa badia ne muana wa bakaji ne dîku dienda

Bena bukenji bakaya kunzubu wa Morley. Baledi ba Lucy bakabikila bena bukenji bua kubalongesha ne balunda babu.

Muana wa bakaji ne muntu mukaji muteka tshilamba pa makaya padi muntu muikala utambuishibua mu musulu kupenga

Dilolu adi bantu 17 bavua batambuishibua. Mu matuku makesa akalua bantu ba bungi batua ku 50 bakateleja bena bukenji ne bavua batambuishibua. Nansha muena mutumba wa Lucy Abigail wakashintulula lungenyi. Yeya ne Muluma wenda, ne Lucy ne bidimba bia dîku diabu bakasungula bua kulonda Yezu Kilisto ku dikala batambuishibua.

© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Friend Message, April 2025. Tshiluba. 19631 760