Lucy Anowana Chokwadi

Musikana wechidiki achizarura musuwo kuti chikwata chevarume chipinde apo mudzimai akagara pamuchina wokurukisa.

Rimwe zuva Lucy Morley, aiva nemakore gumi nemashanu aibatsira muvakidzani wake, Abigail Daniels, kuruka mucheka. Pavaishanda, vashumiri vatatu vakagogodza pagonhi. Vakati Jesu Kristu akanga avatuma kuzogovera shoko.

Mudzimai ari pamuchina wokurukisa anofinyama apo varume pavanotaura nemusikana wechidiki

Varume vakaudza Abigail naLucy kuti Jesu akanga adaidza Joseph Smith kuti ave muporofita. Vakavaudzawo pamusoro peBhuku raMormoni.

Mudzimai akashatirwa achidzinga varume kubva mumba make

Lucy akashamiswa achiona Abigail achishatirwa. Akaita kuti vashumiri vaende.

Varume vanotarisa kumashure apo musikana paanomhanya achivatevera

Lucy aiziva kuti vashumiri vaiva varanda vaMwari. Akavaudza kuti vashanyire mhuri yake zasi kwemugwagwa.

Varume vari patafura yokudya kwemanheru nemusikana uye nemhuri yake

Vashumiri vakaenda kumba yekwaMorley. Vabereki vaLucy vakakoka vashumiri kuti vavadzidzise ivo neshamwari dzavo.

Musikana achiisa tauro pamafudzi emudzimai apo mumwe munhu achibhabhatidzwa murwizi nechokumashure.

Husiku ihwohwo vanhu gumi nevanomwe vakabhabhatidzwa. Mumazuva mashoma aitevera, mamwe makumi mashanu evanhu vakanzwa vashumiri uye vakabhabhatidzwa. Kunyangwe muvakidzani waLucy, Abigail akashandura pfungwa dzake. Iye nemurume wake, pamwechete naLucy nenhengo dzemhuri yake, vakasarudza kutevera Jesu Kristu kuburikidza nekubhabhatidzwa.