Hupirisita hwakaDzorerwa

Unokwanisa kuverenga nyaya iyi muJoseph Smith—Nhoroondo 1:66–73 uye muDzidziso neZvibvumirano 27:12.

Joseph Smith achitaura kuna Oliver Cowdery paine mufananidzo wefungidziro unoratidza Kristu achishanya kuvaNifai

Mushure mekunge Joseph Smith agamuchira Mahwendefa egoridhe, akatanga kuadudzira. Oliver Cowdery akanyora pasi zvaakataura. Apo pavaishanda, vakadzidza kuti Jesu Kristu aida kuti munhu wose abhabhatidzwe.

Joseph Smith naOliver Cowdery vachinamata musango

Joseph naOliver vakanetseka kuti ndiyani aiva ainesimba raMwari rekubhabhatidza vanhu. Vakaenda musango kunonamata uye nokunobvunza Mwari.

Ngirozi iine maoko ayo pamusoro waJoseph

Apo pavainamata, ngirozi yakazviratidza. Akati aiva Johane mubhabhatidzi, uyo akabhabhatidza Jesu Kristu kare kare. Akapa Joseph naOliver Hupirisita hwaAroni kuti vave vanokwanisa kubhabhatidza vamwe. Hupirisita isimba raMwari. Hunoshandiswa kuropafadza vana vaMwari.

Joseph Smith achibhabhatidza Oliver Cowdery

Johane Mubhabhatidzi akaudza Joseph naOliver kuti vabhabhatidzwe. Vakapinda murwizi uye vakabhabhatidzana. Apo pavakabuda mumvura, vakazadzwa neMweya Mutsvene. Vakafara zvikuru!

Ngirozi nhatu dzichiisa maoko adzo pamusoro waJoseph

Pashure, Dzimwe ngirozi dzakauya. Vatatu vevaapositora vaJesu Kristu—Petro, Jakobo, naJohane—vakapa Hupirisita hwaMerkizedeki kuna Joseph naOliver. Zvino ipapo Joseph naOliver vaiva vokwanisa kupa chipo cheMweya Mutsvene kune vamwe.