Иосеф Смит алтан ялтаснуудыг хүлээн авсан нь

Чи энэ түүхийг Иосеф Смит—Түүх 1:28–60-аас уншиж болно.

Анхны үзэгдлээс хойш гурван жилийн дараа Иосеф Смит гаргасан алдаанууддаа санаа зовж байв. Энэ тухай тэр Тэнгэрлэг Эцэгтээ залбирав.

Иосеф Смит өвдөг сөгдөн залбирч байгаа нь

Иосефыг залбирч байх үед өрөө нь гэрлээр дүүрэв. Агаарт нэгэн тэнгэр элч зогсохыг тэр харав. Тэрхүү тэнгэр элчийн нэрийг Моронай гэдэг байв.

Тэнгэр элч Моронай Иосеф Смит дээр өрөөнд нь айлчилж байгаа нь

Моронай алтан хуудаснууд буюу ялтаснуудаар хийсэн ном байгааг хэлэв. Энэ нь Иосефын гэрийн ойролцоох нэгэн гүвээнд газарт булаастай байв. Тэр ном нь эрт үед Америк тивд амьдарч байсан хүмүүсийн талаар бичигдсэн аж. Моронай Иосефт тэр номыг орчуулахад нь Бурхан тусална гэв.

Иосеф Смит алтан ялтаснуудыг булсан нүх рүү өнгийн харж байгаа нь

Иосеф тэрхүү гүвээ рүү очиж, хүнд чулуун доороос ялтаснуудыг олжээ. Моронай ирээд, Иосефт тэднийг авах цаг хараахан болоогүй гэж хэлэв.

Тэнгэр элч Моронай Иосеф Смиттэй ярьж байгаа нь

Иосефыг өсөж том болоход Моронай түүнтэй өнөөх гүвээн дээр уулзан, ялтаснуудыг түүнд өгчээ. Моронай Иосефт ялтаснуудыг хамгаал гэв.

Иосеф Смит нэгэн гэр бүлтэй ярилцаж байгаа нь

Иосеф ялтаснуудыг англи хэл рүү орчуулж эхлэв. Тэр өөрт нь туслахаар Бурханы өгсөн тусгай хэрэгслийг ашигласан. Энэ ном 1830 онд Мормоны Ном болж хэвлэгдсэн юм. Энэ нь Есүс Христийн болон Түүний сайн мэдээний тухай заадаг.

Мормоны Ном тэвэрч буй охиныг будах хуудас