Ջոզեֆ Սմիթը ստանում է ոսկե թիթեղները

Այս պատմությունը կարող եք կարդալ Ջոզեֆ Սմիթ-Պատմություն 1.28–60-ում։

Առաջին Տեսիլքից երեք տարի անց Ջոզեֆ Սմիթը զղջաց իր թույլ տված որոշ սխալների համար: Նա աղոթեց Երկնային Հորը դրա համար։

Մինչ Ջոզեֆն աղոթում էր, սենյակը լցվեց լույսով։ Նա տեսավ օդում կանգնած մի հրեշտակի։ Հրեշտակի անունը Մորոնի էր։

Մորոնի հրեշտակը հայտնվում է Ջոզեֆ Սմիթին իր սենյակում

Մորոնին ասաց, որ ոսկե էջերից կամ թիթեղներից պատրաստված մի գիրք կա: Այն թաղված էր Ջոզեֆի տան մոտ գտնվող բլուրում։ Գիրքն Ամերիկա մայրցամաքում վաղուց ապրած մարդկանց մասին էր: Մորոնին ասաց, որ Աստված կօգնի Ջոզեֆին թարգմանել գիրքը։

Ջոզեֆ Սմիթը նայում է փոսի մեջ՝ տեսնելու ոսկե թիթեղները

Ջոզեֆը գնաց դեպի բլուրը և մի ծանր քարի տակ գտավ թիթեղները։ Մորոնին եկավ և ասաց, որ Ջոզեֆը դեռ պատրաստ չէր վերցնել դրանք:

Մորոնի հրեշտակը խոսում է Ջոզեֆ Սմիթի հետ

Երբ Ջոզեֆը մեծացավ, Մորոնին հանդիպեց նրան բլրի վրա և տվեց թիթեղները: Մորոնին Ջոզեֆին ասաց, որ ապահով պահի դրանք:

Ջոզեֆը սկսեց թարգմանել թիթեղները անգլերեն։ Նա Աստծուց տրված հատուկ գործիքներ էր օգտագործում իրեն օգնելու համար։ Այդ գիրքը հրատարակվեց 1830 թ․-ին՝ «Մորմոնի Գիրքը» վերնագրով։ Այն ուսուցանում է Հիսուս Քրիստոսի և Նրա ավետարանի մասին:

Գունավորելու էջ․ Մորմոնի Գիրքը գրկող աղջիկը

© 2025 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly Friend Message, February 2025-ի թարգմանությունը։ Armenian. 19641 201