“Tshimônyi Tshia Kumpala,” Mulunda, Ngondu wa Kumpala 2025, 26–28.
Mukenji wa ku ngondu wa Mulunda, Ngondu wa Kumpala 2025
Tshimônyi Tshia Kumpala
Udi mua kubala muyuki ewu mu Joseph Smith—Mulubu 1:1–20
Pavua Joseph Smith muana mukesa, ekelezia ya bungi ivua ilongesha bintu bishilanga pa Yezu Kilisto. Joseph kavua mumanya ekelezia kayi wa kudisangisha nenda.
Dimua dituku, wakabala Yakobo 1:5 mu Bibiliya. Udi wamba ne tuetu dijinga ne lungenyi, tudi bua kulomba Nzambi. Joseph wakapangadika bua kuenza nanku.
Mu dituku dilenga dia tshikondo tshiamashika, Joseph wakaya mu dîtu bua kusambila Tatu wa mu Diûlu.
Joseph wakatua binu ne wakabanga kusambila. Kadi pashisha wakumvua midima mimunyunguluka. Joseph uvua ne bowa. Wakalomba diambuluisha kudi Nzambi.
Pa tshikadi, Joseph wakamona bukenka butua bufuma mu diûlu bupueka. Wakamona Tatu wa mu Diûlu ne Yezu Kilisto bimana mu matutu. Tatu wa mu Diûlu wakatela dina dia Joseph. Ne wakafunkuna Yezu wamba ne: Ewu udi Muananyi Munanga. Umuteleja!”
Yezu wakambila Joseph bua kadisangishi ku umua wa ku ma’ekelezia to.
Joseph neambuluisha bua dipinguluja dia tshiwudi tshia lumu luimpa pa buloba.
Joseph kavua ne dielakana kabidi nansha. Uvua muwujibua ne disanka! Uvua mumanya ne Nzambi mmumunanga. Bakuabu bantu kabavua bitaba ne ukatu mumona Tatu wa mu Diûlu ne Yezu Kilisto, kadi uvua mumanya ne bivua bilelela.
Dibeji dia Kufita dikala
Tatu wa mu Diûlu udi Uteleja ne Wandamuna Masambila Anyi.
Bimfuanyi bia kudi Corey Egbert
Tatu wa mu Diûlu wakandamuna ku disambila dia Joseph Smith. Neandamuna dieba peba!
© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Friend Message, January 2025. Tshiluba. 19632 760