Mga Artikulo sa Hugot nga Pagtuo

10. Kami nagtuo sa tinuod nga panagtigom sa Israel ug sa pagpahiuli sa Napulo ka Tribo; nga ang Zion (ang Bag-ong Jerusalem) pagatukoron diha sa kayutaan sa Amerika; nga si Kristo mohari dinhi sa yuta; ug, nga ang yuta pagabag-ohon ug makadawat sa iyang paraisohanon nga himaya.

Unsa ang gipasabot niini:

Ang propeta nga si Jacob adunay dose ka anak nga lalaki. Ang ilang mga pamilya gitawag nga ang napulog duha ka tribo sa Israel. Sa paglabay sa panahon, kini nga mga tribo nagkatibulaag sa tibuok kalibotan. Motabang kita sa pagpundok sa uban nga mobalik ngadto sa Simbahan ni Jesukristo pinaagi sa buhat sa misyonaryo ug sa templo. Sa higayon nga ang tanang tribo mapundok na ug ang Manluluwas moanhi pag-usab, Siya mahimo natong Hari. Kadtong kinsa nahigugma sa Dios magpuyo nga malinawon, ug ang kalibotan mahimong sama sa paraiso.

Pangitaa ang koleksiyon sa poster sa tanang Artikulo sa Hugot nga Pagtuo diha sa Librarya sa Ebanghelyo nga anaa ubos sa Kabataan.