“Isaiah the Prophet,” Friend, Dec. 2026, 46–47.
ຂ່າວສານປະຈຳເດືອນ Friend, ເດືອນທັນວາ 2026
ສາດສະດາເອຊາຢາ
ມື້ໜຶ່ງຢູ່ໃນພຣະວິຫານ, ພຣະຜູ້ເປັນເຈົ້າໄດ້ເອີ້ນເອຊາຢາໃຫ້ເປັນສາດສະດາ. ເອຊາຢາຮັກຜູ້ຄົນ ແລະ ໄດ້ສິດສອນພວກເຂົາກ່ຽວກັບການສະເດັດມາຂອງພຣະເຢຊູຄຣິດ.
ເອຊາຢາໄດ້ຮຽນຮູ້ວ່າ ພຣະເຢຊູຄຣິດຈະສະເດັດມາໃນມື້ໜຶ່ງ ເພື່ອຊ່ວຍຜູ້ຄົນຂອງເພິ່ນຈາກບາບ. ແຕ່ບໍ່ແມ່ນທຸກຄົນທີ່ຈະຮັບຮູ້ພຣະອົງ ວ່າເປັນພຣະຜູ້ຊ່ວຍໃຫ້ລອດຂອງພວກເຂົາ. ເອຊາຢາໂສກເສົ້າຍ້ອນເພິ່ນຮູ້ວ່າ ຫລາຍຄົນຈະບໍ່ເຊື່ອໃນພຣະເຢຊູ.
ເອຊາຢາໄດ້ທຳນາຍເຖິງການສະເດັດມາຄັ້ງທີສອງຂອງພຣະເຢຊູຄຣິດນຳອີກ. ມື້ໜຶ່ງພຣະອົງຈະສະເດັດກັບຄືນມາ ແລະ ເປັນຈອມກະສັດຂອງທັງແຜ່ນດິນໂລກ. ພຣະອົງຈະສຳເລັດແຜນຂອງພຣະບິດາຂອງພຣະອົງ ໂດຍການນຳຄວາມເມດຕາ ແລະ ສັນຕິສຸກມາໃຫ້ຕະຫລອດໄປ. ເອຊາຢາໄດ້ກ່າວວ່າ ທຸກຄົນຈະຮູ້ຈັກພຣະເຢຊູຄຣິດ ວ່າເປັນພຣະຜູ້ຊ່ວຍໃຫ້ລອດຂອງພວກເຂົາ.
ໜ້າລະບາຍສີ
ພຣະເຢຊູຄຣິດໄດ້ມາກຳເນີດໃນເມືອງເບັດເລເຮັມ.
ພາບປະກອບໂດຍ ອໍດຣີ ເດ ອະນຸຍາດໃຫ້ອັດສຳເນົາສຳລັບໃຊ້ໃນສາດສະໜາຈັກເທົ່ານັ້ນ.
ເຈົ້າສະເຫລີມສະຫລອງການກຳເນີດຂອງພຣະຜູ້ຊ່ວຍໃຫ້ລອດແນວໃດ?
© 2026 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, December 2026. Lao. 20036 331