iTukutuku Vakavula ni iTokani, Tiseba 2026

Aisea na Parofita

Ena dua na siga ena valetabu, a kacivi Aisea na Turaga me dua na parofita. E lomani ira na tamata o Aisea ka vakavulici ira me baleta na nona lako mai o Jisu Karisito.

A vulica o Aisea ni na lako mai ko Jisu Karisito ena dua na siga me vakabulai ira na Nona tamata mai na ivalavala ca. Ia e sega nio ira na tamata kece era na kilai Koya ni sa nodra iVakabula. A rarawa ko Aisea baleta ni kila ni vuqa na tamata era na sega ni vakabauti Jisu.

E a parofisaitaka talega ko Aisea na iKarua ni Lako Mai nei Jisu Karisito. Ena dua na siga ena lesu mai o Koya ka mai Tui ni vuravura taucoko. Ena vakayacora o Koya na ituvatuva nei Tamana ena nona kauta mai na yalovinaka kei na vakacegu me tawamudu. A kaya o Aisea ni tamata kece era na kila nio Jisu Karisito sa nodra iVakabula.

Wilika ka sarava na iTalanoa ena Veiyalayalati Makawa ena Valenivola ni Kosipeli ena ruku ni iVolanikalou kei na iTalanoa ni iVolanikalou.

Tabana ni Rokarokataki

A Sucu mai Peceliema o Jisu Karisito

Droini mai vei Audrey Day. E rawa ni lavetaki me vakayagataki walega ena Lotu.

O dau marautaka vakacava na sucu ni iVakabula?

© 2026 mai na Intellectual Reserve, Inc. All rights reserved. Tabaki e Amerika. Veivakadonui me vakaValagi: 6/19. Veivakadonui me vakadewataki: 6/19. iVakadewa ni Monthly For the Strength of Youth Message, December 2026. Fijian. 20036 858