Ennaan eo an Jera Kajjojo Allōn̄, Oktoba 2026

Kōjparok ilo Kijeek eo

Kiin̄ Nebukadnezar eaar kajutak juon aetoktok ekjab kooļ im kar kipel armej ro n̄an kabun̄jar n̄an e. N̄e reban, renaaj likūt er ilo kijeek eo.

Shadrak, Meshak, im Abednego, raar iakwe Anij im ban kabun̄jar n̄an riabin anij ko an kiin̄ eo.

Rein jilu rej m̧ōttā raar jiron̄ļo̧k kiin̄ eo ke renaaj kabun̄jar wōt n̄an Anij. Raar tōmak Anij enaaj kōjparok er. Ak men̄e E eban lo̧mo̧o̧ren er, renaaj jutak wōt kōn ta eo rej tōmak.

Kiin̄ eo ekar illu. Ekar joļo̧k er ilo kijeek eo. Ak ke kiin̄ eo ej reiļo̧k n̄an kijeek eo, ekar bwilōn̄ ke ej lo juōn armej jān lan̄ ilo kijeek eo ippān em̧m̧aan ro jilu.

Kiin̄ eo ekar kūrtok Shadrak, Meshak, im Abednego, im raar diwōjtok jān kijeek eo. Kijeek eo ekar jab ko̧kkure er ak barāinwōt jab tile nuknuk ko aer.

Shadrak, Meshak, im Abednego raar pokake kien ko an Anij, men̄e mour ko aer raar pād ilo kauwōtata. Waanjon̄ak eo aer ekar jipan̄ kiin̄ eo tōmak ilo Anij.

Peij in Kōļar eo

Rikanaan ro Rekar Kūr n̄an Kōnono kōn Naan ko an Irooj.

Pija jān Audrey Day. Maron̄ kapeiki n̄an jerbal ko wōt an Kabun̄ in.

Ekōjkan am̧ ļoor rikanaan eo?

© 2026 by Intellectual Reserve, Inc. All rights reserved. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly Friend Message, October 2026. Marshallese. 20061 874