ປອດໄພໃນກອງໄຟ

ກະສັດເນບູກາດເນັດຊາໄດ້ສ້າງຮູບປັ້ນໃຫຍ່ທີ່ເປັນທອງຄໍາ ແລະ ບັງຄັບໃຫ້ປະຊາຊົນຂອງເພິ່ນຂາບໄຫວ້ມັນ. ຖ້າພວກເຂົາປະຕິເສດ, ພວກເຂົາກໍຈະຖືກໂຍນເຂົ້າໄປໃນເຕົາໄຟ.

ຮູບແຕ້ມຂອງຊັດຣາກ, ເມຊາກ, ແລະ ອາເບັດເນໂກ ແລະ ທະຫານຄົນໜຶ່ງ

ຊັດຣາກ, ເມຊາກ, ແລະ ອາເບັດເນໂກ ຮັກພຣະເຈົ້າ ແລະ ບໍ່ຍອມຂາບໄຫວ້ພຣະເຈົ້າປອມຂອງກະສັດ.

ຮູບແຕ້ມຂອງໝູ່ເພື່ອນກຸ່ມນັ້ນກຳລັງລົມກັບກະສັດ

ໝູ່ເພື່ອນທັງສາມຄົນໄດ້ບອກກະສັດວ່າ ພວກເຂົາຈະນະມັດສະການແຕ່ພຣະເຈົ້າເທົ່ານັ້ນ. ພວກເຂົາເຊື່ອວ່າ ພຣະເຈົ້າສາມາດປົກປ້ອງພວກເຂົາໄດ້. ແຕ່ເຖິງແມ່ນຖ້າຫາກວ່າ ພຣະອົງບໍ່ຊ່ວຍຊີວິດພວກເຂົາ, ແຕ່ພວກເຂົາຈະຍຶດໝັ້ນກັບສິ່ງທີ່ພວກເຂົາເຊື່ອ.

ຮູບແຕ້ມຂອງຊັດຣາກ, ເມຊາກ, ແລະ ອາເບັດເນໂກ ໃນເຕົາໄຟ

ກະສັດໃຈຮ້າຍ. ເພິ່ນໄດ້ສັ່ງໃຫ້ໂຍນໝູ່ເພື່ອນກຸ່ມນັ້ນເຂົ້າໄປໃນເຕົາໄຟ. ແຕ່ເມື່ອກະສັດເບິ່ງເຂົ້າໄປໃນເຕົາໄຟ, ເພິ່ນກໍຕົກໃຈທີ່ເຫັນທູດສະຫວັນຢູ່ໃນກອງໄຟກັບຜູ້ຊາຍສາມຄົນນັ້ນ.

ຮູບແຕ້ມກະສັດກຳລັງເບິ່ງຊັດຣາກ, ເມຊາກ, ແລະ ອາເບັດເນໂກ ກຳລັງຍ່າງອອກຈາກເຕົາໄຟ

ກະສັດໄດ້ເອີ້ນຫາຊັດຣາກ, ເມຊາກ, ແລະ ອາເບັດເນໂກ, ແລະ ພວກເຂົາກໍຍ່າງອອກມາຈາກເຕົາໄຟ. ໄຟບໍ່ໄດ້ທໍາຮ້າຍພວກເຂົາ ຫລື ແມ່ນແຕ່ເສື້ອຜ້າຂອງພວກເຂົາກໍບໍ່ໄໝ້.

ຮູບແຕ້ມຂອງຊັດຣາກ, ເມຊາກ, ແລະ ອາເບັດເນໂກ ກຳລັງຍ່າງ ແລະ ສົນທະນາກັບກະສັດ

ຊັດຣາກ, ເມຊາກ, ແລະ ອາເບັດເນໂກ ໄດ້ເຊື່ອຟັງພຣະບັນຍັດຂອງພຣະເຈົ້າ, ແມ່ນແຕ່ໃນເວລາທີ່ຊີວິດຂອງພວກເຂົາຢູ່ໃນຂັ້ນອັນຕະລາຍກໍຕາມ. ຕົວຢ່າງຂອງພວກເຂົາໄດ້ຊ່ວຍໃຫ້ກະສັດເຊື່ອໃນພຣະເຈົ້າ.

ໜ້າລະບາຍສີ ສາດສະດາໃນພຣະຄຣິສຕະທຳຄຳພີ ແບບຟາຍ PDF

© 2026 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, October 2026. Lao. 20061 331