Monthly Friend Message, October 2026

Natalged iti Apoy

Nagaramid ni Ari Nabucodonosor iti higante nga istatua a balitok ket pinilitna dagiti taona nga agdaydayaw iti daytoy. No agkedkedda, maikabilda iti maysa nga orno a sumsumged.

Inayat dagiti gagayyem ni Daniel a da Sidrac, Misac, ken Abdenago ti Dios ken saanda nga agdaydayaw iti palso a dios ti ari.

Imbaga dagiti tallo nga aggagayyem iti ari nga agdaydayawda laeng iti Dios. Namatida a masaluadan ida ti Dios. Ngem uray pay no dina isalakan ida, itakderanda latta no ania ti patienda.

Nagpungtot ti ari. Pinaipuruakna dagiti aggagayyem iti orno a sumsumged. Ngem idi kimmita ti ari iti orno, nasdaaw daytoy a makakita iti nailangitan a parsua nga adda iti apoy a kadua ti tallo a lallaki.

Inawagan ti ari da Sidrac, Misac, ken Abednego. ket magmagnada nga umadayo manipud iti orno. Saan a dinangran ida ti apoy wenno nangpuor kadagiti kawesda.

Nagtungpal da Sidrac, Misac, ken Abed-nego kadagiti bilin ti Dios, uray no nagpeggad ti biagda. Tinulongan ti pagwadanda ti ari a mamati iti Dios.

Panid ti Panagkolor

Naawagan dagiti Propeta a Mangisao kadagiti Balikas ti Apo

Dagiti Ilustrasion ni Audrey Day. Mabalin a kopiaen para iti pakausaran laeng ti Simbaan.

Kasano a surotenyo ti propeta?

© 2026 ti Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, October 2026. Ilokano. 20061 864