Zaj Lus hauv Friend Txhua Hli, Kaum Hli Ntuj 2026

Nyob Nyab Xeeb rau hauv Hluav Taws

Vaj Ntxwv Nenpukajnexales ua ib tug mlom kub loj heev thiab yuam nws cov neeg teev tiam tus mlom ntawd. Yog lawv tsis kam ua li ntawd, ces lawv yuav raug muab pov rau hauv ib lub qhov cub hluav taws.

Sadalas, Mesakas, thiab Anpenekaus hlub Vajtswv thiab tsis kam teev tiam tus vaj ntxwv tus vaj tswv cuav.

Peb tug phooj ywg no qhia tus vaj ntxwv tias lawv yuav teev tiam Vajtswv xwb. Lawv ntseeg tias Vajtswv muaj hwj chim pov hwm lawv. Tiam sis yog Nws tsis cawm lawv dim los, lawv tseem yuav ua raws li lawv ntseeg.

Tus vaj ntxwv npau taws. Nws hais kom muab peb tug phooj ywg no pov rau hauv lub qhov cub uas kub hluav taws. Tiam sis thaum tus vaj ntxwv saib hauv lub qhov cub, nws xav tsis thoob pom ib tug tim tswv nyob hauv hluav taws nrog peb tug txiv neej.

Vajntxwv txawm hu Sadalas, Mesakas thiab Anpenekaus tuaj, ces lawv txawm tawm hauv lub qhov cub ntawd mus. Cov hluav taws tsis tau ua rau lawv mob los sis tsis tau kub lawv tej khaub ncaws.

Sadalas, Mesakas, thiab Anpenekaus ua raws li Vajtswv cov lus txib, tsis hais thaum lawv yuav raug xwm txheej phem heev. Lawv tus yam ntxwv tau pab tus vaj ntxwv ntseeg Vajtswv.

Phab Ntawv Tha Xim

Tus Tswv Hu cov Yaj Saub Los Hais tus Tswv tej Lus

Cov duab los ntawm Audrey Day. Tso cai luam ntawv rau kev siv hauv lub Koom Txoos xwb.

Koj ua dab tsi kom coj raws li tus yaj saub?

© 2026 los ntawm Intellectual Reserve, Inc. All rights reserved. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, October 2026. Hmong. 20061 295