An Sekirite nan Dife a

Wa Nebikadneza bati yon gwo estati annò epi li fòse pèp li a adore l. Si yo te refize, yo t ap lage yo nan yon gwo fou dife.

Ilistrasyon Chadrak, Mechak ak Abèdnego ak yon sòlda

Chadrak, Mechak ak Abèdnego te renmen Bondye epi yo pa te vle adore fo bondye wa a.

Ilistrasyon zanmi yo ki ap pale avèk wa a

Twa zanmi yo te di wa a ke se Bondye sèlman yo t ap adore. Yo te kwè ke Bondye te ka pwoteje yo. Men, menm si Li pa t ap sove yo, yo t ap toujou defann sa yo te kwè.

Ilistrasyon Chadrak, Mechak ak Abèdnego nan founo dife a

Wa a te fache. Li fè voye zanmi yo jete nan gwo founo dife a. Men, lè wa a te voye je l gade nan founo a, li te sezi wè yon èt selès ki te nan dife a avèk twa mesye yo.

Ilistrasyon wa a ki ap gade Chadrak, Mechak ak Abèdnego k ap soti nan founo a

Wa a te rele Chadrak, Mechak ak Abèdnego epi yo te mache soti nan founo a. Dife a pa te boule yo ni menm boule rad yo.

Ilistrasyon Chadrak, Mechak ak Abèdnego k ap mache epi pale avèk wa a

Chadrak, Mechak ak Abèdnego te obeyi kòmandman Bondye yo, menm lè lavi yo te an danje. Egzanp yo te ede wa a kwè nan Bondye.

Paj PDF pou Kolorye sou pwofèt Biblik yo

© 2026 pa Intellectual Reserve, Inc.All rights reserved. Enprime nan Etazini Damerik. Apwobasyon Anglè: 6/19. Apwobasyon tradiksyon: 6/19. Tradiksyon Monthly Zanmi Message, October 2026. Haitian Creole. 20061 036