Mesej blong Fren blong Evri Manis, Oktoba 2026

Sef insaed long Faea

King Nebukadnesa i bildim wan bigfala statiu blong gol mo i fosem ol pipol blong hem blong wosipim statiu ia. Sapos oli no wantem, bae oli putum olgeta long wan hot ples blong faea.

Sadrak, Mesak, mo Abednego oli lavem God mo oli no wantem wosipim giaman god blong king.

Ol trifala fren ia oli talem long king se bae oli wosipim God nomo. Oli bilivim se God bae i protektem olgeta. Be iven sapos Hem i no sevem olgeta, bae oli stanap strong long wanem we oli biliv long hem.

King i kros. Hem i mekem oli sakem ol fren i go long hot ples blong bigfala faea. Be taem king i lukluk i go insaed long hot ples blong faea ia, hem i sapraes blong luk wan man blong heven we i stap insaed long faea wetem ol tri man ia.

King i singaotem Sadrak, Mesak, mo Abednego mo oli wokbaot i kamaot long hot ples blong faea ia. Faea i no mekem olgeta i harem nogud o iven bonem ol klos blong olgeta.

Sadrak, Mesak, mo Abednego oli obei long ol komanmen blong God, iven taem we laef blong olgeta i stap long denja. Eksampol blong olgeta i helpem king blong biliv long God.

Pej blong Kala

Oli singaotem ol profet blong oli talemaot ol toktok blong Lod.

Ol pikja i kam long Audrey Day. Yu save mekem kopi blong yusum long Jos nomo.

?Olsem wanem nao yu stap folem profet?

© 2026 i kam longIntellectual Reserve, Inc. Evri raet oli holem. Oli Printim long USA Oli apruvum long Inglis: 6/19. Translesen apruvol: 6/19. Translesen blong Monthly Friend Message, October 2026. Bislama. 20061 852