ນາງຣຸດ ແລະ ນາງນາໂອມີ

ຄອບຄົວຂອງນາງນາໂອມີໄດ້ອາໄສຢູ່ໃນຢູດາຍ. ເຂົາເຈົ້າບໍ່ມີອາຫານພຽງພໍຍ້ອນຄວາມອຶດຢາກ, ດັ່ງນັ້ນເຂົາເຈົ້າຈຶ່ງຍ້າຍໄປຢູ່ໂມອາບ.

ນາງນາໂອມີ, ນາງຣຸດ, ແລະ ນາງໂອປາ ກຳລັງປອບໃຈກັນ

ໃນໂມອາບ, ຜົວຂອງນາງນາໂອມີໄດ້ຕາຍໄປ ແລະ ພວກລູກຊາຍຂອງນາງໄດ້ແຕ່ງງານກັບຜູ້ຍິງຊື່ໂອປາ ແລະ ຣຸດ. ເຂົາເຈົ້າໄດ້ດູແລນາງນາໂອມີເປັນເວລາ 10 ປີ. ແຕ່ແລ້ວຜົວຂອງນາງໂອປາ ແລະ ຜົວຂອງນາງຣຸດໄດ້ຕາຍໄປ. ບັດນີ້ພວກຜູ້ຍິງກໍໄດ້ຢູ່ຕາມລຳພັງ.

ນາງໂອປາໄດ້ກັບຄືນບ້ານ. ແຕ່ນາງຣຸດຢາກຢູ່ດູແລນາງນາໂອມີ. ນາງຣຸດ ແລະ ນາງນາໂອມີໄດ້ຍິນວ່າຢູດາຍມີຜົນລະປູກອີກຄັ້ງ, ສະນັ້ນເຂົາເຈົ້າຈຶ່ງໄດ້ເດີນທາງໄປທີ່ນັ້ນ.

ເຂົາເຈົ້າໄດ້ມາຮອດໃນຊ່ວງລະດູເກັບກ່ຽວ. ຍາດພີ່ນ້ອງຂອງນາງນາໂອມີ ຊື່ໂບອາດ ເປັນເຈົ້າຂອງທົ່ງ. ລາວປ່ອຍໃຫ້ນາງຣຸດເກັບເອົາເຂົ້າທີ່ເຫລືອຢູ່ໃນທົ່ງ. ມັນເປັນວຽກໜັກ.

ໂບອາດນັບຖືນາງຣຸດ ເພາະວ່ານາງເຮັດວຽກໜັກ ແລະ ເພາະວ່ານາງຈົງຮັກພັກດີຕໍ່ນາງນາໂອມີ ແລະ ພຣະຜູ້ເປັນເຈົ້າ.

ນາງຣຸດໄດ້ຂໍໃຫ້ໂບອາດແຕ່ງງານກັບນາງ. ໂບອາດຮູ້ວ່າ ນາງຣຸດເປັນຜູ້ຍິງທີ່ຈົງຮັກພັກດີ ແລະ ມີຄຸນນະທຳ. ລາວກໍຕົກລົງ.

ນາງຣຸດ ແລະ ໂບອາດໄດ້ແຕ່ງງານກັນ ແລະ ມີລູກຊາຍນ້ອຍຄົນໜຶ່ງ. ຫລາຍປີຕໍ່ມາ, ພຣະເຢຊູຄຣິດກໍໄດ້ກຳເນີດຢູ່ໃນຕະກຸນນີ້.

ໜ້າລະບາຍສີ PDF ຂອງຊາຍໜຸ່ມຄົນໜຶ່ງທີ່ກຳລັງຢາຍສິນລະລຶກໃຫ້ເດັກຍິງຄົນໜຶ່ງທີ່ນັ່ງຢູ່ໃນມ້ານັ່ງ

© 2026 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, September 2026. Lao. 20073 331