Binulan a Mensahe ti Friend, Septiembre 2026

Da Ruth ken Noemi

Nagnaed ti pamilia ni Noemi idiay Juda. Awan ti umdas a taraonda gapu iti bisin, isu nga immakarda idiay Moab.

Idiay Moab, natay ti asawa ni Noemi ket nakikallaysa dagiti annakna a lallaki kadagiti babbai nga agnagan Orpa ken Ruth. Inaywananda ni Noemi iti uneg ti 10 a tawen. Ngem kalpasanna natay ti assawa da Orpa ken Ruth. Ita nagmaymaysan dagiti babbai.

Nagawid ni Orpa. Ngem kinayat ni Ruth ti agbati ken mangaywan ken ni Noemi. Nadamag da Ruth ken Noemi nga adda manen apit iti daga ti Juda, isu a nagbiaheda a napan sadiay.

Simmangpetda bayat ti panagapit. Kukua ti kabagian ni Noemi a ni Boaz dagiti talon Impalubosna nga agadas ni Ruth iti nabati pay a bukbukel iti talonna. Narigat nga aramid daytoy.

Rinaem ni Boaz ni Ruth gapu ta nagtrabaho a napasnek ken gapu ta napudno daytoy ken ni Noemi ken iti Apo.

Inkeddeng ni Ruth a mangkiddaw ken ni Boaz a mangikallaysa kenkuana. Ammo ni Boaz a napudno ken nasagudayan a babai ni Ruth. Immanamong daytoy.

Nagkallaysa da Ruth ken Boaz ket naaddaanda iti maladaga a lalaki. Kalpasan ti adu a tawen, nayanak ni Jesucristo iti daytoy a linia ti pamilia.

Panid ti Panagkolor

Gapu ken ni Jesucristo, Makapagbabawiak ken Agbalinak a Nadalus

Dagiti Ilustrasion ni Audrey Day. Mabalin a kopiaen para iti pakausaran laeng ti Simbaan.

Ania ti makatulong kenka a manglaglagip nga agpili kadagiti nasayaat?

© 2026 by Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, September 2026. Ilokano. 20073 864