ሩት እና ኑኃሚን

የኑኃሚን ቤተሰብ በይሁዳ ይኖሩ ነበር። በረሃብ ምክንያት በቂ ምግብ ስላልነበራቸው ወደ ሞዓብ ተጓዙ።

በሞዓብም፣ የኑኃሚን ባል ሞተ እናም ልጆቿ ዖርፋ እና ሩት የተባሉ ሴቶችን አገቡ። እነርሱም ኑኃሚንን ለአስር አመታት ተንከባከቡ። ከዚያም የዖርፋ እና የሩት ባለቤቶች ሞቱ። አሁን ሴቶቹ ብቻቸውን ነበሩ።

ዖርፋ ወደ ቤቷ ተመለሰች። ነገር ግን ሩት ለመቆየትና ኑኃሚንን ለመንከባከብ ፈለገች። ሩት እና ኑኃሚን በይሁዳ ምድር እንደገና ሰብሎች እንዳሉ ስለሰሙ ወደዚያ ተጓዙ።

እነርሱም በመከሩ ወቅት ደረሱ። ቦዔዝ የተባለ የኑኃሚን ዘመድ እርሻዎች ነበሩት። ሩት የተረፈውን እህል ከእርሻው ውስጥ እንድትወስድ ፈቀደላት። ይህም ከባድ ስራ ነበር።

ቦዔዝ ሩት ጠንክራ ስለሰራች እና ለኑኃሚን እና ለጌታ ታማኝ በመሆኗ አክብሯት ነበር።

ሩት ቦዔዝ እንዲያገባት ጠየቀችው። ቦዔዝም ሩት ታማኝ እና በጎ ሴት እንደነበረች ያውቅ ነበር። እርሱም ተስማማ።

ሩት እና ቦዔዝ ተጋቡ እና ወንድ ልጅም ወለዱ። ከብዙ አመታት በኋላ፣ ኢየሱስ ክርስቶስ በዚህ ቤተሰብ ዘር ተወልዶ ነበር።