Kumusta gikan sa Madagascar!

Ang Madagascar usa ka nasod sa silangan nga baybayon sa habagatang Africa. Mga 30 ka milyon ka tawo ang nagpuyo didto. Ang ilang opisyal nga mga pinulongan mao ang Malagasy ug French.

Ang namana mao ang Malagasy nga pulong alang sa “Higala”!

Unsaon ninyo sa pagsulti og “Friend” sa inyong pinulongan?

Sa Unsang Paagi Naglambo ang Simbahan sa Madagascar

• Si Elder Quentin L. Cook mibisita sa mga miyembro sa Simbahan didto sa Madagascar niadtong Pebrero 2023. Siya midapit kanila nga mahimong kahayag alang sa uban.

• Ang unang stake nahimo niadtong 2000. Karon aduna nay 4 ka stake nga adunay sobra sa 15,000 ka miyembro sa Simbahan.

• Adunay 10 ka sentro sa family history didto sa Madagascar.

Gipalibotan og Tubig

Ang Madagascar mao ang ikaupat nga kinadak-an nga isla sa kalibotan.

Mga Naporma gikan sa Bato

Ang Tsingy de Bemahara National Park adunay mga grupo sa tag-as nga mga naporma gikan sa bato nga hinimo gikan sa anapog [limestone]. Pipila sa mga naporma mao ang 328 ka pye (100 ka metros) ang gitas-on!

Paghimo og Vanilla

Ang Madagascar nagpatubo og vanilla nga gibaligya sa tibuok kalibotan. Ang nasod naghimo og mga 3,300 ka tonelada (3,000 metriko tonelada) nga vanilla kada tuig!

Ang Baobab nga Kahoy

Ang baobab mao ang nasodnon nga kahoy sa Madagascar ug mabuhi og sobra sa 1,000 ka tuig. Ang baobab nga kahoy naghatag sa mga tawo og bunga nga makaon, panit aron makahimo og pisi, ug kapasilongan gikan sa adlaw.

Espesyal nga mga Hayop

Adunay daghang nagkalainlain nga mga matang sa mga lemur. Ang tanan niini naggikan sa Madagascar.

Laing hayop nga gikan niini nga nasod mao ang zebu, nga usa ka matang sa baka nga gigamit sa mga tawo alang sa pag-uma, gatas, ug pagbiyahe.