Mga Istorya sa Kasulatan

Si Nephi Nakakita sa Batang Jesus

Ang amahan ni Nephi, si Lehi, nakakita og usa ka panan-awon bahin ni Jesukristo. Gusto ni Nephi nga makakita usab sa panan-awon. Nag-ampo siya ug nangayo nga makakita kon unsa ang nakita sa iyang amahan.

Ang Espiritu Santo mipakita ni Nephi sa samang panan-awon. Nakita ni Nephi ang usa ka batan-ong babaye nga ginganlan og Maria. Ang Espiritu Santo miingon nga siya ang mahimong inahan sa Anak sa Dios, nga si Jesukristo.

Si Nephi nakakita sa batang Jesus uban ni Maria. Ang Espiritu Santo miingon nga si Jesus moanhi sa yuta aron motabang sa mga anak sa Langitnong Amahan.

Nakita ni Nephi ang kinabuhi ni Jesukristo. Nakakita siya Kaniya nga nagserbisyo ug nagtudlo sa katawhan. Nakakat-on si Nephi og daghang butang mahitungod sa Manluluwas. Makakat-on usab kamo mahitungod Kaniya pinaagi sa pagbasa sa mga kasulatan.

Mabasa ninyo kini nga istorya sa 1 Nephi 11.

Mga Paghulagway pinaagi ni Andrew Bosley