Hello gikan sa Kenya!

Pagkat-on mahitungod sa mga anak sa Langitnong Amahan sa tibuok kalibotan.

Ang Kenya naa sa East Africa. Sobra sa 50 ka milyon ka tawo ang nagpuyo didto!

Pinulongan

Ang Kenya adunay duha ka opisyal nga mga pinulongan: Swahili ug English. Dinosena nga lain pang mga pinulongan ang gigamit usab didto.

Asante!

Kana nagpasabot og “salamat” sa Swahili!

Nagbisita sa Kenya

Niadtong Mayo 2022, si Elder Ronald A. Rasband mibisita sa lugar nga gitukoran sa Nairobi Kenya Temple. Miingon siya nga usa kadto sa iyang paborito nga higayon atol sa iyang biyahe sa Kenya.

Pundok sa mga Flamingo

Sa higayon nga ang Lake Nakuru adunay daghan nga lumot, liboan ka flamingo ang mangabot aron mokaon niini. Ang kadaghanon sa flamingo makahimo sa tibuok linaw nga kolor pink!

Talagsaong mga Runner

Sa Kenya nagpuyo ang kadaghanan sa labing maayo nga mga long-distance runner sa tibuok kalibotan. Sila nakadaog og 106 ka medalya sa mga kompetisyon sa dagan sa Olympics.

Kalihokan

Mamba

Ang mga bata nagdula niini nga dula sa tibuok Africa. Usa ka magdudula mao ang mamba (bitin), ug ang iyang tumong mao ang pagdakop sa uban. Kong madakpan ang usa ka magdudula, mahimo siyang parte sa mamba pinaagi sa paggunitay sa mga bukton. Ang unang bata nga mamba lang ang mahimong modakop sa uban nga mga magdudula. Ang kataposang magdudula nga magbarog maoy modaog!

Risipi

Chapati

Usa kini ka komon nga pagkaon sa Kenya. Aniay usa ka bersiyon nga mahimo nimong sulayan!

1. Pagsagol og 2 ½ ka tasa (600 ml) nga harina, ½ sa kutsarita (2.5 ml) nga asin, ug 1 ka kutsara (14.7 ml) nga asukar sa usa ka dakong panaksan.

2. Ukaya sa 1 ¼ nga tasa (295 ml) sa igo-igong kainiton nga tubig ginagmay lang sa matag higayon. Ligda ang minasa nga mahimong unom ka bola.

3. Gamit og rolling pin aron mapisat ang minasa nga giporma og bola aron mahimong mga lingin. Budbori og butter kada usa.

4. Likita ang mga lingin aron motaas ug pormaha kini og mga libod (spiral). Dayon pisata ang mga libod aron mahimong nipis nga lingin gamit ang rolling pin.

5. Lutoa sa kalaha nga may mantika nga eksakto lang ang kalayo hangtod ang duha ka bahin ma-golden brown.

Seguroha nga makapangayo og tabang sa usa ka hamtong!

Mga paghulagway pinaagi ni Ruth Hammond