“Te Boki n Tainatio,” Rao, Maati 2023, 22–23.
Te Boki n Tainatio
E mata nokunoku Sophia. E aera e aki kona naba n tangira te tainatio?
Bon bwebwe Sophia ao Allie, ao rao aika a tamaroa. A kaokoro baika a tangirii, ma anne riki kakukureina! A tangiria n uaia n tatakakaro.
N te bong teuana n te reirei, e iangoia Sphia bwa e a anaa te boki iaoia tainatio man te tabo n tangoboki. E ingainga ni kan kaotia nakon Allie.
“Ko aki kona ni wareka te boki anne,” e taku Timmy, te teinimwaane n ana kiraati.
“Bukin tera?” E titiraki Sophia.
“Bon te boki ibukiia mwaane,” e taku. “Tainatio bon ibukiia mwaane.”
E mata nokunoku Sophia. E aera e aki kona naba n tangira te tainatio? E katuka te boki inanon ana baeki. E bon iangoiia ae e na warekia.
N te bong anne, Sophia e iangoa te bwai are e taekinna Timmy. E bon teimatoa n namakina aki raun nanona ngke e roko ni mweengana man te reirei.
“Tera ae riki?” E titiraki Mom.
“E taku Timmy bwa I aki kona ni wareka te boki iaoia tainatio,” e taku Sophia. “E taku bwa tainatio bon tii ibukiia mwaane. E aki koaua anne, tiaki ngaia?”
“Eti e bon aki koaua,” e taku Mom.
E bobaraaki Sophia. “Ma e aera ngkai e taekina anne Timmy?”
“Tao e aki ataia ae iai tabeman ataeinaine aika a tatangira te tainatio,” e taku Mom. “Ma Tamara are i Karawa e aki karikiira ni katitebooira. Ao E tangiriira bwa ti na akoakoi imarenara.”
Mom e rabwata Sophia. “I nanokawaki ngaki e karaoa anne Timmy nakoim. Ma Tamara are i Karawa e tangiriko. Ao ngai naba.”
“Ko rabwa, Mom,” e taku Sophia. E namakina te kukurei teutana ngkai.
“N a taetae nakon am tia reirei iaon aei, KEE?” E taku Mom.
E katoutoua atuuna Sophia. “E TAMAROA.”
E nako Sophia n takakaro ma Allie. A karaoa te takakaroa ae arana Te Natinuea n Aine ae te Tia Kauaia, are e riki ana taore Allie bwa taan kabuti kaa ni kauaia. E bon baenako te uaia, ma te Natinuea ae Lightning Cheetah e bon moanna! A takarua ni kukurei Sophia ao Allie.
“Ko tangiria n noora te boki n tainatio ae e reke Irou n te bong aei?” E titiraki Sophia.
“Eng!” E taku Allie.
E wingare Sophia. E kukurei bwa e kona n tainako n takakaro ma Allie.
N te bong are imwiina, e taekina te katanoata ana tia reirei Sophia. “Kaain te kiraati,” e taku, “iai te bwai ae I tangiria n tuang ngkami. E bon TAMAROA ngkana kam tangiri baika a kaokoro. Ni kabane ara boki ao ara bwai n takakaro bon ibukiia ataei ni kabane.”
E rangi ni kukurei Sophia! N tain te wareware, e anaa te boki n tainatio man ana baeki.
E roko Timmy nakon ana taibora. “Kabwara au bure ngke I taekinna nakoim ae ko aki kona ni wareka te boki anne,” e taku. “I tatangira naba te tainatio.”
“E TIKIRAOI,” e taku Sophia. Ko tangiria ni wareware ma ngai?”
“Eng!” E tekateka Timmy irarikina. “Ko rabwa.”
E kauka te boki Sophia. Ngaia ao Timmy a bon okoro, ma e rangi n tamaroa te uaia n tibwatibwa ma raraom ae boou.
E riki te karaki aei i Amerika.
Kamatata n te tamnei iroun Mark Robison