Man te Moan Beretitentii

Te Rau mairoun te Tia Kamaiu

Iroun Beretitenti Henry B. Eyring

Man te Kooram n Abotoro n te Tengaun ma Uoman

E anaaki man “Peace in This Life,” Riaona, Ritembwa 2016.

Kamataata n te Tamnei iroun Dilleen Marsh

E taku te Tia Kamaiu, “Ami b’ai i aon te aba te rawawata” (Ioane 16:33). E nanonaki n anne bwa iaon te aba ti na bane n rinanon taai ni karawawata. Ma E anganiira naba te berita aio: “I katuka te rau i roumi, I anganingkami au rau” (Ioane 14:27). Man irirakin te Tia Kamaiu, ti kona n namakina te rau inanon ara tai n rawawata.

Ngkana ti anaa te toa, ti berita bwa ti na ururinga te Tia Kamaiu. Ko kona ni iango Iaona ni kawai ake a na buokiko n namakina ae ko kaan Nakoina. N tabetai I iango Iaona ngke E katorobubua n te Nne n Aroka are Ketetemwane. N tabetai I katamneia ngke E wetea Rataro bwa e na otinako man te ruanimate. Ngkai I karaoia, I namakina ae I kaan riki Nakoina. I namakina te kakaitau ao te rau. Ko kona naba ngkoe.

E berita Iesu bwa ngkana ti kawakin Ana tua ao ni Iriria, e na raoniira te Te Tamnei ae Raoiroi. Ngkanne ti kona ni kunea te rau, n aki tabe bwa tera ae riki inanon maiura.

Karakinan Iesu

E taku Beretitenti Eyring bwa e namakina te kakaitau ao te rau ngkana E iangoa aron te Tia Kamaiu i Ketetemwane. Tera karakin Iesu ae e buokiko n namakina ae ko kaan riki Nakoina?