Iien Alooje Tampeļ

Ekōjkan lowaan tampeļ eo? Lale lowaan Rio de Janeiro Brazil Tampeļ n̄an jeļā. Tampeļ ej jikin eo ijo armej rej bōk kain̄i ko (jerbal ko rekwojarjar ak ceremony ko rej kōm̧m̧ani kōn mālim eo an priesthood, āinwōt peptaij).

Tebōļ in Bōk Meļeļe

N̄e kwōj deļo̧n̄e tampeļ eo, juon armej ej jerbal enaaj karuwaineneik eok. Eļan̄n̄e kwoj etal n̄an peptaij im kappen kōn ro jet, kwonaaj kwaļo̧k peba in mālim an tampeļ n̄an deļo̧n̄e tampeļ eo Ej kwaļo̧k bwe kwoj pojak n̄an deļo̧n̄e lowaan tampeļ eo. Komaron̄ bōk juon peba in mālim jān bisop eo ak branch būreejtōn eo ilo iiō eo kwoj tōpar 12.

Jikin Peptaij

Ilo tampeļ eo komaron̄ peptaij kōn ro jibum̧ im jim̧aam̧ etto im ro jet ro rekar mej ilo aer kar jab peptaij. Komaron̄ barāinwōt kappen n̄an er bwe ren maron̄ bōk menin letok eo an Jetōb Kwojarjar.

Ruum̧ in Kain̄i ko

Ijin kwonaaj ekkatak kōn karōk in m̧ōņōņō eo an Jemedwōj Ilan̄ im kōttōpar eo An n̄an kōj ilo laļ in. Jet iien komaron̄ itok n̄an ijin im kōm̧m̧ani bujen ko ak kallim̧ūr ko, ippān E.

Celestial Ruum̧

Ijin aiboojoj, einem̧m̧an ej juon jikin jar im ļōmņak kōn men ko raorōktata ilo mour eo am̧. Ej kakeememej kōj kōn ta eo m̧weo im̧ōd lan̄ ej āinwōt.

Ruum̧ in Liāp

Ilo ruum̧ in, juon ļeo pālele im lio pālele remaron̄ m̧are n̄an indeeo. Menin rej ņae etan liāp. Ripālele ro rej juubke ilo lokatok eo n̄an liāp. Ajri ro remaron̄ barāinwōt liāp n̄an ro jineer im jemāer ijin eļan̄n̄e rekar kajiririik ak ļotak m̧okta jān an baam̧le eo aer liāp.