iTukutuku Vakavula ni iTokani, Jiune 2022

Ruci kei Neomai

Na vakamau nei Ruci, kei na matavuvale nei Neomai

Droini mai vei Apryl Stott

A lako o Neomai kei na nona matavuvale ki na dua na vanua vou ena vuku ni dausiga. E ratou a sotava e dua na goneyalewa na yacana o Ruci. A vakamautaka na luvei Neomai o Ruci.

O Ruci kei na watina ka sa vakarau mate

Sa qai mate na wati Ruci. A rarawa vakalevu o Ruci.

Neomai

A rarawa talega vakalevu o Neomai. A sega tale ni dua na nona matavuvale e a vo tiko me qaravi koya. Sa nanuma o koya me sa lesu tale ki na vanua a lako mai kina.

Neomai kei Ruci

A kaya o Neomai vei Ruci me sa lesu tale ki na nona matavuvale. Ia a lomani Neomai o Ruci. A yalataka o koya me lako vata kei Neomai ka qaravi koya.

Vakatotomi voli o Ruci

E rau a dravudravua ko Ruci kei Neomai. A cakacaka vakaukauwa o Ruci me vakani rau.

O Poasa kei Ruci ena were

Ena dua na siga a raici Ruci e dua na turaga na yacana o Poasa ni kumuni vovo ni sila tiko ena dua na nona were.

Poasa kei na dauveiqaravi

E dau yalo loloma o Poasa. A tukuna vei ira na nona tamata cakacaka me ra solia eso tale na kakana vei Ruci.

Ruci, Poasa, kei Neomai, kei na dua na gonelailai

Rau a qai vakamau e muri o Ruci kei Poasa. A dua na luvedrau tagane. A veivuke o Neomai ena nona qaravi.

vota kakana tiko na matavuvale

Au sa rawa ni veivuke ena nodra qaravi na tani. Au sa rawa ni dau lomani ira na vakaleqai tu.

Sa rawa mo wilika na italanoa oqo ena Ruci 1–4.

Tabana ni Rokarokataki

Au Rawa ni Lomani Ira na Tani

ira na gone kei na tukadra

Kiliki ena iyaloyalo mo lavetaka.

Droini mai vei Apryl Stott

O cei beka o rawa ni o vukea?

© 2022 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. iVakadewa ni iTukutuku Vakavula ena iTokani, Jiune 2022. Fijian. 17467 858