E Dua na Tatadra nei Dieter
Tauri mai na vosa nei Elder Dieter F. Uchtdorf, “Kacivi ira na Qaqa!” (Lotu e Vuravura raraba ni BYU-Pathway, 14 ni Jui,2020, byupathway.org/devotionals).
Ni se cauravou lailai, a dau taleitaka o Elder Dieter F. Uchtdorf me vakasaravi ira na waqavuka. E dau raitayaloyalotaka ni vukataka tiko e dua vei ira na waqavuka lelevu vaka oya.
Dua na siga, au vinakata meu na pailate.
Ia e sega soti ni levu na ilavo ni matavuvale nei Dieter. Eratou a isenivalu ka ratou biuta mai vakarua na nodratou itikotiko me gole ki na dua na vanua vou.
Ni ra qito na gone tale eso, o Dieter a cakacaka vaka daukauiyaya me vukea na nona matavuvale.
Ena so na gauna e dau vaka me na sega ni rawati na nona tatadra!
Ia ni sa tubu cake, a cakacaka sara vakaukauwa o Dieter me rawati na nona tatadra. A tu vua na vakabauta ni na vukei koya na Tamada Vakalomalagi.
A lewena na mataivalu e macawa ka vulica me pailate vinaka duadua e rawa ni rawata.
Sa qai yaco me rawata nona tatadra. A vukataka na vei waqavuka lelevu ena vuqa na yabaki!
O na vakataroga beka se ena rawa talega na nomu tatadra.
Ena sega beka ni rawarawa, ia sa rawa mo cakava.
O na rawa ni sotava na bolebole eso, ia era rawa ni vakayacori iko mo kaukauwa cake kina. Sa tiko vata kei kemuni na Kalou ena veikalawa yadua!
“Cakacaka vakaukauwa. Mo vakabauta. Mo vakanuinui tiko. Vakararavi vua na Kalou. Kevaka o cakava na nomu itavi, ena qai yaco me vinaka na veika kecega.”
Droini mai vei Cam Kendell