« គោលបំណងថ្នាក់សិក្ខាសាលា និងថ្នាក់វិទ្យាស្ថានសាសនា » គោលបំណងថ្នាក់សិក្ខាសាលា និងថ្នាក់វិទ្យាស្ថានសាសនា ( ឆ្នាំ ២០២២ )

« គោលបំណងថ្នាក់សិក្ខាសាលា និងថ្នាក់វិទ្យាស្ថានសាសនា » គោលបំណងថ្នាក់សិក្ខាសាលា និងថ្នាក់វិទ្យាស្ថានសាសនា

គោលបំណងថ្នាក់សិក្ខាសាលា និងថ្នាក់វិទ្យាស្ថានសាសនា

គោលបំណងរបស់យើងគឺដើម្បីជួយយុវវ័យ និងយុវមជ្ឈិមវ័យឲ្យមានការផ្លាស់ប្រែចិត្តជឿកាន់តែខ្លាំងទៅលើព្រះយេស៊ូវគ្រីស្ទ និងដំណឹងល្អដែលបានស្ដារឡើងវិញរបស់ទ្រង់ ហើយមានភាពស័ក្តិសមដើម្បីទទួលពរជ័យទាំងឡាយនៃព្រះវិហារបរិសុទ្ធ ហើយរៀបចំខ្លួន រៀបចំក្រុមគ្រួសារ និងអ្នកដទៃទៀតសម្រាប់ជីវិតដ៏នៅអស់កល្បជានិច្ច ជាមួយនឹងព្រះវរបិតារបស់ពួកគេដែលគង់នៅស្ថានសួគ៌ ។

ដើម្បីសម្រេចគោលបំណងរបស់យើង ៖

រស់នៅតាម

យើងរស់នៅតាមដំណឹងល្អរបស់ព្រះយេស៊ូវគ្រីស្ទ ហើយព្យាយាមដើម្បីទទួលភាពជាដៃគូនៃព្រះវិញ្ញាណបរិសុទ្ធ ។ ឥរិយាបថ និងទំនាក់ទំនងរបស់យើងគឺជាគំរូនៅក្នុងគេហដ្ឋាន នៅក្នុងថ្នាក់រៀន និងនៅក្នុងសហគមន៍ ។ យើងបន្ដខិតខំអភិវឌ្ឍសមត្ថភាព ចំណេះដឹង ឥរិយាបថ និងចរិតលក្ខណៈរបស់យើង ។ យើងស្តាប់តាមពួកព្យាការីរបស់ព្រះដែលកំពុងរស់នៅដោយយកចិត្តទុកដាក់ ហើយធ្វើតាមការបង្រៀន និងការដឹកនាំប្រកបដោយការបំផុសគំនិតរបស់ពួកលោក ។

បង្រៀន

យើងផ្តោតបទពិសោធន៍នៃការរៀនសូត្រនីមួយៗទៅលើព្រះយេស៊ូវគ្រីស្ទ គំរូ បុគ្គលិកលក្ខណៈ និងព្រះចេស្តាប្រោសលោះរបស់ទ្រង់ ។ យើងជួយសិស្សឲ្យរៀនពីដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ដូចដែលមាននៅក្នុងបទគម្ពីរ និងប្រសាសន៍របស់ពួកព្យាការី ។ យើងជួយសិស្សឲ្យបំពេញតួនាទីរបស់ពួកគេនៅក្នុងការរៀនសូត្រ ។ យើងព្យាយាមយាងអញ្ជើញព្រះវិញ្ញាណបរិសុទ្ធឲ្យបំពេញតួនាទីរបស់ទ្រង់ នៅក្នុងបទពិសោធន៍រៀនសូត្រនីមួយៗ ។

ដឹកនាំ

យើងយកលំនាំនៃភាពជាអ្នកដឹកនាំ តាមគំរូរបស់ព្រះយេស៊ូវគ្រីស្ទ ។ យើងអញ្ជើញ និងលើកទឹកចិត្តពួកយុវវ័យ និងយុវមជ្ឈិមវ័យទាំងអស់ឲ្យចូលរួមថ្នាក់សិក្ខាសាលា និងថ្នាក់វិទ្យាស្ថាន ។ យើងព្យាយាមពង្រឹងដល់អស់អ្នកដែលយើងដឹកនាំ បំពេញកិច្ចការប្រកបដោយប្រសិទ្ធភាព និងបង្កើតសាមគ្គីភាពជាមួយអ្នកដទៃទៀត ។ កិច្ចខិតខំរបស់យើងជួយ និងគាំទ្របុគ្គលម្នាក់ៗ ក្រុមគ្រួសារ និងថ្នាក់ដឹកនាំបព្វជិតភាព ។