Pagtubag sa Akong mga Pangutana sa Ebanghelyo nga Kurso (Relihiyon 280)

Pagtubag sa Akong mga Pangutana sa Ebanghelyo (Rel 280) anaa na karon. (Tan-awa ang pinulongan sa mga materyal sa ubos.) Kini nga kurso resulta sa pagpaminaw sa mga young adult, daghan kanila ang nangita og forum alang sa mga pangutana bahin sa ebanghelyo, pagpangita og kasaligan nga impormasyon, ug hisgotan ang ilang mga pangutana uban sa usag usa.

Ang unang pipila ka leksiyon sa kurso magtudlo og mga baroganan ug usa ka sundanan alang sa pagpangita og mga tubag. Dayon, gamit kini nga mga baroganan ug sa sundanan sa pagtuon, ang mga estudyante mopili og mga hilisgotan aron hisgotan atol sa nahabilin nga panahon sa kurso. Ang mga estudyante makakat-on unsaon sa paggamit sa pipila ka mga kapanguhaan sa simbahan sama sa Mga Hilisgotan, Tabang sa Kinabuhi, Kinatibuk-ang Komperensiya, ug ang Newsroom. Sila usab maggamit sa mga kahanas nga sama sa “Unsaon nga Dili Mouyon nga Dili Magmasinupakon” ug “Unsaon sa Pagtimbang-timbang sa Pagkamasaligan sa mga Tinobdan,” nga maghatag kanila sa mga himan nga ilang gikinahanglan aron sa pagpadayon sa pagtubag sa ilang kaugalingon nga mga pangutana ug sa mga pangutana sa uban sa tibuok nilang kinabuhi.

Imong makit-an ang Materyal sa Magtutudlo ug ang Giya sa Dali nga Pagsugod diha sa pahina sa mga materyal sa kurso sa institute.

Ang mga materyal makit-an usab diha sa Librarya sa Ebanghelyo [Gospel Library]. Pagpili og mga Libro ug mga Leksiyon, dayon Institute.

Pinulongan sa mga Materyal

English, Español, Português, Français, Deutsch, Italiano, Русский, 繁體中文,

简体中文, 日本語, 한국어, Cebuano, gagana Samoa, Tagálog, faka-Tonga.