Номлогчдоос хичээл авч байгаа хүмүүсийг дэмж

Хичээлд оролцох нь

Тойргийн удирдагч нар эсвэл номлогчид танаас тэдэнтэй хамт сайн мэдээ сурч байгаа хэн нэгэн дээр очихыг хүсэж магадгүй. Та эдгээр шинэ найзуудад өөрийн ойлголт болон гэрчлэлээ хуваалцсанаар маш их дэмжлэг, урам зориг өгч чадна.

Та өмнө нь номлогчидтой цуг хичээлд орж байгаагүй бол бүү санаа зов! Та судар унших, эсвэл зааж байгаа сэдвээр өөрийн бодлоо хуваалцах зэргээр хэрхэн оролцохоо номлогчидтой урьдчилан ярьж төлөвлөж болно. Хамгийн чухал нь та өөрөөрөө байх явдал юм.

Хичээлээс гадуур дэмжлэг үзүүлэх нь

Бүрэн цагийн номлогчидтой уулзаж байгаа найзаа дэмжих хамгийн чухал аргын хэсэг нь хичээлээс гадуурх үе юм. Хүн бүрд найз хэрэгтэйг санаарай. Тийм найз нь байх зарим арга замыг оруулав. Үүнд:

• Энэ бүгд тэдэнд шинэлэг гэдгийг санаарай. Тиймээс шинэ зүйлсийг анхандаа бага зэрэг эргэлзэж эсвэл түдгэлзэж хүлээж авах нь байх асуудал юм. Та тэднийг сонсохдоо тэднийг дэмжиж найдлагыг нь дааж, тэдэнд төрсөн мэдрэмжийг чин сэтгэлээсээ хүлээн авч, тэдний санаа зовоосон зүйлсийг үл тоомсорлох биш харин хайраар хариулахыг оролд.
• Сүм рүү эсвэл сүмийн үйл ажиллагаа руу машинаараа хүргэж өгөхийг санал болго. Тэдэнд хэдийгээр машин байсан ч гэсэн таньдаг хүнтэйгээ очихдоо илүү сэтгэл амар байж болох юм.
• Хичээлүүдийн хооронд хэр байгааг лавла. Жишээ нь, хэрэв номлогч нар тэднийг тодорхой судрыг унших, залбирах, эсвэл ямар нэг зүйлийг хийхийг хүссэн бол та тэднээс хэр явж байгааг нь асууж болно. Найзууд тань хичээлээс гадуур танд санаа бодлоо мөн санаанд нийцээгүй зүйлсээ илүү нээлттэй хуваалцах байх.
• Найзаа бусад цугларагсадтай танилцуул. Та үүнийг сүм дээр, эсвэл гэртээ хүмүүс урин хийж болно.

Унш: Сайн найз, сайн хөрш бай

Холбогдох санаанууд