Tusitusiga Paia
Aperaamo 3


Mataupu 3

Ua maua e Aperaamo le malamalama e uiga i le la, le masina, ma fetu e ala i le Urima ma le Tumena—Ua faaali mai e le Alii ia te ia le natura faavavau o agaga—Ua maua e ia le malamalama e uiga i le muai-olaga, le muaifaauuina, le Foafoaga, le filifiliga o se Togiola, ma le esetete lona lua o le tagata.

1 Ma o a’u, o Aperaamo, sa ia te a’u le aUrima ma le Tumena, lea na tuu mai e le Alii lo’u Atua ia te a’u, i Uro o sa Kaletaia;

2 Ma sa ou vaai i afetu, sa matua sili lava i latou, ma o se tasi o i latou sa sili lona latalata i le nofoalii o le Atua; ma sa tele isi e sili sa latalata atu i ai;

3 Ma sa fetalai mai le Alii ia te a’u: O i latou nei e pule; ma o le igoa o le tasi e sili o aKolape, ona ua latalata mai ia te a’u, aua o A’u o le Alii lou Atua: Ua Ou faatuina le tasi lenei e pulea i latou uma na ua i ai i le faatulagaga e tasi e pei o lena o loo e tulai ai.

4 Ma sa fetalai mai le Alii ia te a’u, e ala mai i le Urima ma le Tumena, o Kolape ua tusa ma le faatulagaga a le Alii, e tusa ma ona taimi ma tau e tusa i ana taamilosaga; e faapea o le taamilosaga e tasi o se aaso lea i le Alii, e tusa ma lana ala faitau, o le tasi afe lea o etausaga e tusa ma le taimi ua tofia i lena o loo e tulai ai. O le faitauga lea o le taimi a le Alii, e tusa ma le faitauga o Kolape.

5 Ma sa fetalai mai le Alii ia te a’u: O le paneta lea e itiiti le malamalama, e itiiti ifo nai lo lena e pulea le ao, o le po lava, ua sili pe tele atu nai lo o lena o loo e tulai ai i luga i le faitauga o le taimi, ona e telegese atu le alu i le faatulagaga; ua tusa ai lea ma le faatulagaga ona ua tulai o ia i luga a’e o le lalolagi o loo e tu ai, o lea o le faitauga o lona taimi ua lē tele na’uā e pei o le aofai o ona aso, ma ona masina, ma ona tausaga.

6 Ma sa fetalai mai le Alii ia te a’u: O lenei, Aperaamo e, o mea moni nei e alua o loo i ai, faauta ua vaai atu i ai ou mata; ua tuu atu ia te oe ia e iloa le faitauga o taimi, ma le taimi faatuina, ioe, le taimi faatuina o le lalolagi o loo e tulai ai, ma le taimi faatuina o le malamalama tele ua faatuina e pulea le ao, ma le taimi faatuina o le malamalama itiiti ua faatuina e pulea le po.

7 O lenei o le taimi faatuina o le malamalama itiiti e umi atu lona faitauga nai lo le faitauga o le taimi o le lalolagi o loo e tulai ai.

8 Ma i le mea e i ai ia mea moni e lua, e i ai se isi mea moni e i luga a’e o i laua, o lona uiga, e i ai se isi paneta e sili atu foi le umi o le faitauga o lona taimi.

9 Ma o le a faapena lava le faitauga o le taimi o le tasi paneta i luga a’e o le isi, seia oo lava ina e latalata atu ia Kolape, o Kolape lea ua tusa ma le faitauga o le taimi o le Alii; o Kolape lea ua faatuina latalata i le nofoalii o le Atua, e pulea paneta uma na e i ai i le afaatulagaga e tasi e pei o lena o loo e tulai ai.

10 Ma ua tuuina atu ia te oe ia e iloa le taimi faatulagaina o fetu uma ua faatutu e tuu atu le malamalama, seia oo ina e oo latalata atu i le nofoalii o le Atua.

11 Sa faapea ona atalanoa a’u, o Aperaamo, ma le Alii, faafesagai lava, e pei ona talanoa se tasi tagata ma le isi; ma sa ta’u mai e ia ia te a’u e uiga i galuega na faia e ona aao;

12 Ma sa fetalai mai o ia ia te a’u: Lo’u atalii e, lo’u atalii e, (ma sa faaloaloa mai lona aao), faauta o le a Ou faaali atu ia te oe nei mea uma. Ma sa tuu e ia lona aao i luga o o’u mata, ma sa ou vaai atu i na mea uma na faia e ona aao, o ni mea sa tele; ma sa faateleina i latou i luma o o’u mata, ma sa lē mafai ona ou vaai atu i so latou gataaga.

13 Ma sa fetalai mai o ia ia te a’u: O Saianea lenei, o le la lea. Ma sa fetalai mai o ia ia te a’u: O Kokapo, o se fetu. Ma sa fetalai mai o ia ia te a’u: O Ole’a, o le masina lea. Ma sa fetalai mai o ia ia te a’u: O Kokaupi, o lona uiga o fetu, po o malamalama tetele uma, sa i ai i le vanimonimo o le lagi.

14 Ma o le taimi o le po na fetalai mai ai e le Alii upu nei ia te a’u: O le a Ou afaauluolaina oe, ma lau efanau e mulimuli mai pe a mavae atu oe, e pei o i latou nei; ma afai e mafai ona e faitauina le iaofai o oneone, o le a faapea foi le aofai o au fanau.

15 Ma sa fetalai mai le Alii ia te a’u: Aperaamo e, Ou te faaali atu nei mea ia te oe ae e te lei alu atu i Aikupito, ina ia mafai ona e folafola atu ia upu uma.

16 Afai e i ai ni mea se lua, ma ua i ai le tasi i luga a’e o le isi, e i ai ni mea ua sili atu i luga a’e o i la’ua; o lea o aKolape o le silisili lea o Kokaupi uma na e vaai i ai, ona ua latalata tele mai o ia ia te a’u.

17 O lenei, afai e i ai ni mea se lua, o le tasi i luga a’e o le isi, ma o le masina e i luga a’e i le lalolagi, ona atonu lea e i ai se paneta po o se fetu e i luga a’e o ia; ma e leai se mea e ave e le Alii lou Atua i lona loto e fai ae o le mea o le a afaia e ia.

18 Faapei ona faia e ia le fetu sili atu; e pei, foi, afai e i ai ni agaga se lua, ma ua sili atu le atamai o le tasi nai lo le isi, ae o ia agaga e lua, e ui ina sili atu le atamai o le tasi nai lo le isi, ua leai se amataga; sa i ai i laua muamua, o le a leai so laua gataaga, o le a i ai pea i laua pe a mavae le lalolagi, ona o i laua e anolama, pe faavavau.

19 Ma sa fetalai mai le Alii ia te a’u: O mea moni nei e lua ua i ai, ua i ai ni agaga se lua, e sili atu le atamai o le tasi nai lo le isi; o le a i ai foi se isi e sili atu le atamai nai lo i laua; o A’u o le Alii lou Atua, ua asili atu lo’u atamai nai lo i latou uma.

20 Sa auina atu e le Alii lou Atua lana agelu e alaveai oe mai lima o le faitaulaga a Elekana.

21 Ua Ou nofo i le lotolotoi o i latou uma; o lea, ua Ou sau nei i lalo ia te oe e ta’u atu ia te oe agaluega na faia e o’u lima, lea e sili atu ai lo’u epoto nai lo i latou uma, aua ua Ou pule i le lagi i lugā, ma le lalolagi i lalō, i le poto ma le faautauta atoa, i luga o atamai uma na vaai i ai ou mata mai le amataga; sa Ou alu ifo i le amataga i le lotolotoi o atamai uma na e vaai i ai.

22 O lenei sa faaali mai e le Alii ia te a’u, o Aperaamo, o aatamai na faatulagaina eae lei i ai le lalolagi; ma i totonu o i latou uma ia sa i ai le toatele o e itamalii ma ta’uta’ua;

23 Ma sa silasila atu le Atua i ia agaga ua lelei i latou, ma sa tulai o ia i le lotolotoi o i latou, ma sa fetalai o ia: O i latou ia o le a Ou faia ma a’u pule; aua sa tulai o ia i le lotolotoi o i latou o ni agaga, ma sa silasila atu o ia ua lelei i latou; ma sa fetalai mai o ia ia te a’u: Aperaamo e, o oe o se tasi o i latou; sa afilifilia oe ae e te lei fanau mai.

24 Ma sa tulai mai se atasi i totonu o i latou sa pei o le Atua, ma sa fai atu o ia ia te i latou o e sa faatasi ma ia: O le a tatou o i lalō, ona o loo i ai se avanoa iina, ma o le a tatou ave mea nei, ma o le a etatou faia se ilalolagi e nonofo ai i latou nei;

25 Ma o le a tatou atofotofoina ai i latou, e vaai pe latou te efaia mea uma o soo se mea e poloaiina ai i latou e le Alii lo latou Atua;

26 Ma o i latou o e e tausia lo latou aesetete muamua, o le a faaopoopoina i ai; ma o i latou o e e lē tausia lo latou esetete muamua o le a latou lē maua le mamalu i le malo e tasi faatasi ma i latou o e e tausia lo latou esetete muamua; ma o i latou o e e tausia lo latou eesetete lona lua o le a faaopoopo i luga o o latou ulu le imamalu e faavavau ma faavavau lava.

27 Ma sa fetalai mai le aAlii: O ai Ou te auina atu? Ma sa tali mai se tasi e pei o le eAtalii o le Tagata: O A’u lenei, auina atu a’u. Ma sa tali mai le iisi ma fai mai: O a’u lenei, auina atu a’u. Ma sa fetalai mai le Alii: O le a Ou auina atu le muamua.

28 Ma sa ita le lona alua, ma sa lē tausia lona esetete muamua; ma, i lena aso, e etoatele na mulimuli atu ia te ia.