Eb’ lix Raqalil li Paab’aal
re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan

1 Laa’o ^anaqapaab’ li ^bDios, li Junelik Yuwa’b’ej, ut li Jesukristo, li ^cRalal, ut li ^dSantil Musiq’ej.

2 Laa’o naqapaab’ naq eb’ li winq te’k’ehe’q xtojb’a-maak xb’aan ^atz’aqal lix maakeb’ a’an, ut moko xb’aan ta li q’etok aatin ^bre laj Adan.

3 Laa’o naqapaab’ naq sa’ xk’ab’a’ lix ^atojb’al rix li maak xb’aan li Kristo, chixjunileb’ li winq neke’ru chi ^bkole’k, rik’in ^cab’ink chiru li ^dchaq’rab’ ut k’ojob’anb’il k’anjel re li ^eEvangelio.

4 Laa’o naqapaab’ naq li xb’een raqal chi na’leb’ ut ^ak’ojob’anb’il k’anjel re li Evangelio a’aneb’: xb’een, ^bXpaab’ankil li Qaawa’ Jesukristo; xkab’, Li ^cjalb’a-k’a’uxlej; rox, Li ^dkub’iha’ chi sub’b’il choq’ re ^erisinkil li maak; xkaa, Xk’eeb’al li ^fuq’ej choq’ re li ^gmaatan re li Santil Musiq’ej.

5 Laa’o naqapaab’ naq jun li winq tento ^ataab’oqe’q xb’aan li Dios, rik’in ^bprofeetil aatin, ut rik’in xk’eeb’al li ^cuq’ej xb’aaneb’ li ^dk’eeb’ileb’ xwankil, re ^etixjultika li Evangelio ut tixk’anjela li ^fk’ojob’anb’il k’anjel li wan chi sa’.

6 Laa’o naqapaab’ li Iglees jo’ chanru ajwi’ naq ^ak’uub’anb’il chaq najter, a’an rik’ineb’ li ^bapostol, li ^cprofeet, laj ^dk’aak’alenel, laj tzolonel, ^elaj osob’tesinel, ut xkomoneb’ chik.

7 Laa’o naqapaab’ naq wan li ^amaatan re li ^bjalanil aatinob’aal, li ^cprofeetil aatin, li ^dk’utb’esink, li ^ek’utb’esinb’il matk’, li ^fk’irtesink, ^gxk’utb’al xyaalal li jalanil aatinob’aal, ut xkomoneb’ chik.

8 Laa’o naqapaab’ naq li ^aSantil Hu a’an ^braatin li Dios a’ yaal jo’ jaltesinb’il ru ^cchi tiik; naqapaab’ ajwi’ naq ^dlix Hu laj Mormon a’an raatin li Dios.

9 Laa’o naqapaab’ chixjunil li ak ^axk’utb’esi li Dios, chixjunil li naxk’utb’esi anajwan, ut naqapaab’ naq toj ^btixk’utb’esi k’iila na’leb’ li xninqaleb’ ru ut ninqeb’ xwankil chirix lix Awa’b’ejihom li Dios.

10 Laa’o naqapaab’ naq ^ataach’utub’amanq Israel chi yaal, ut naq te’k’ojob’amanq wi’chik li ^bLajeeb’ Teepal; naq ^cSion (li Ak’ Jerusalen) taakab’lamanq sa’ xb’een li nimla ch’och’ America; naq li Kristo ajwi’ ^dtaa’awa’b’ejinq sa’ xb’een li ruchich’och’, ut naq li ruchich’och’ ^etaa’ak’ob’resiiq ru ut tixk’ul lix ^fchoxahil ^gloq’al.

11 Laa’o naqaye naq wan li ^aqak’ulub’ xloq’oninkil li Nimajwal Dios jo’ chanru ^bnaxtaqla tz’aqal li ^creek’ob’aal li qach’ool, ut naqak’e xk’ulub’eb’ chixjunil li winq chixb’aanunkil chi jo’kan, maak’a’ naxye chanru, b’ar, ut k’a’ru ^dneke’xloq’oni.

12 Laa’o naqapaab’ naq na’ajman wank rub’el xwankileb’ li rey, li awa’b’ej, laj taqlanel, ut laj k’anjenel re poopol, jo’ ajwi’ xpaab’ankil, roxloq’inkil, ut xwaklesinkil li ^achaq’rab’.

13 Laa’o naqapaab’ naq tento naq ^amaak’a’aq qab’alaq’, yaalaqo, ^bsaqaq ru qach’ool, aj k’ehonelaqo, chaab’ilaq qayu’am, ut naq ^ctaqab’aanu li chaab’ilal re chixjunileb’ li winq; chi yaal naru naqaye naq naqataaqe lix ^dyehom laj Pablo—Chixjunil naqapaab’, chixjunil ^enaqayo’oni, ak xqakuy naab’al li k’a’aq re ru, ut naqaj ruhank ^fchixkuyb’al chixjunil li k’a’aq re ru. Wi wan k’a’ruhaq li ^gsaq ru, li chaq’al ru, li chaab’il esil yeeb’il chirix malaj nimajel ru, naqasik’ li k’a’aq re ru a’in.