Ngaahi Folofolá
Koe Tohi a Isaia 55


Vahe 55

1 Oku ako e he balofita, aki ae gaahi talaofa a Kalaisi, ki he tui, 6 bea ki he fakatomala. 8 Koe monuia okinautolu oku tui.

1 VAKAI mai, akimoutolu kotoabe oku fieinu, ha‘u ki he gaahi vai, bea mo ia oku ikai haa ne baaga; mou ha‘u, o fakatau, bea kai; io, ha‘u, o fakatau uaine, moe hua huhu tae ha baaga bea tae ha totogi.

2 Koeha oku mou atu ai ae baaga ki he mea oku ikai koe ma? mo hoo mou gaue ki he mea oku ikai fakamakona? mou fanogo o tokaga kiate au, bea mou kai aia oku lelei, bea tuku ke fiefia ho mou laumalie i he mea kai lelei lahi.

3 Fakatokaga‘i ho mou teliga, bea ha‘u kiate au: fanogo, bea e moui ho mou laumalie; bea teu fai ae fuakava taegata mo kimoutolu, io ae gaahi aloofa tuu mau kia Tevita.

4 Vakai, kuou foaki ia koe fakamooni ki he kakai, koe takimua moe bule ki he kakai.

5 Vakai, te ke ui ae buleaga oku ikai te ke ilo ni, bea koe gaahi buleaga oku ikai te nau ilo koe te nau lele kiate koe koeuhi ko Jihova ko ho Otua, bea koeuhi koe Toko Taha Maonioni o Isileli; he kuo ne fakaogoogolelei‘i koe.

6 Mou kumi kia Jihova i he lolotoga oku faa ilo ia, ui kiate ia i he ene kei ofi:

7 Tuku ke liaki e he agahala hono hala, moe tagata taemaonioni ene gaahi mahalo: bea tuku ke ne foki kia Jihova, bea te ne aloofa kiate ia; bea ki ho tau Otua, he te ne fakamolemole o lahi aubito.

8 He oku behe e Jihova oku ikai ko hoo mou gaahi mahalo a eku mahalo, bea oku ikai ko ho mou gaahi hala a hoku gaahi hala.

9 He oku hage oku maoluga hake ae gaahi lagi mei he mamani, oku behe hono maoluga o hoku gaahi hala, bea mo eku mahalo i hoo mou gaahi mahalo.

10 Bea hage oku alu hifo ae uha, moe uha hinehina mei he lagi, bea ikai toe foki ki ai, ka oku fakaviviku ae kelekele, bea gaohi ia ke tubu mo fua, koeuhi ke omi mei ai ae tega ki he tagata tūtū‘i, bea moe ma kiate ia oku kai.

11 E behe eku folofola aia oku alu atu i hoku fofoga: e ikai foki tae fua kiate au, ka e lava‘i ia aia oku ou faiteliha ki ai, bea e monuia ia i he mea oku ou fekau ia ki ai.

12 He te mou alu atu i he fiefia, bea e taki atu akimoutolu i he fiemalie: e ba ae hiva i ho mou ao mei he gaahi mouga moe botu tafugofuga, bea e bajibaji nima e he gaahi akau kotoabe oe vao.

13 E tubu hake ae akau koe fea koe fetogi oe akau talatala, bea e tubu ae maile koe fetogi oe talatalaamoa: bea e hoko ia koe mea fakamanatu kia Jihova, koe fakailoga taegata aia e ikai auha.