Ngaahi Folofolá
Filibai 4


Vahe 4

1 Oku ne eginaki ae niihi taki toho taha, 4 bea ne fai ai leva ae gaahi ako oku kau ki he jiaji kotoabe, 10 bea ne fakaha ene fiefia lahi i he e nau ofa kiate ia i he ene nofo fale fakabobula, kae ikai koeuhi koe nau taufetuku ki he ene majiva be, ka koeuhi koe ofa ae Otua oku ha ai iate kinautolu. 19 Bea ne fakaoji aki ae gaahi lotu moe gaahi fetaba.

1 KOIA, ko hoku kaiga ofeina oku ou holi ki ai, koe fiefiaaga mo eku teuga, ae ofeina lahi, ke mou tuu mau i he Eiki.

2 Oku ou kole kia Iuotia, beau kole kia Siniteke, ke na loto taha be i he Eiki.

3 Bea oku ou kole atu kiate koe foki, ko  hoku hoa mooni, ke ke tokoni‘i ae kau fefine koia nae gaue mo au i he ogoogolelei, mo Kelemeni foki, bea mo hono toe o eku kauga gaue, aia oku i he tohi oe moui ho nau higoa.

4 Fiefia mau ai be i he Eiki: oku ou toe behe, Fiefia.

5 Tuku ke ilo e he kakai kotoabe hoo mou ulugaaga lelei. Oku ofi ae Eiki.

6 Oua naa tokaga mamahi ki ha mea e taha; kae fakaha atu hoo mou holi i he mea kotoabe, ki he Otua, i he lotu moe lotu tāumau moe fakafetai.

7 Bea koe melino oe Otua, aia oku lahi hake aubito i he faa iloa, te ne malu‘i ho mou laumalie mo ho mou loto ia Kalaisi Jisu.

8 E kaiga, ko hono fakaoji  eni, ke iloga ae gaahi mea oku mooni, ke iloga ae gaahi mea oku matamata lelei, ke iloga ae gaahi mea oku totonu, ke iloga ae gaahi mea oku maonioni, ke iloga ae gaahi mea oku fakaofoofa, ke iloga ae gaahi mea oku ogoogo lelei; kabau oku ai ha lelei, be ha mea ke fakamaloia, tokaga ki he gaahi mea koia.

9 Koe gaahi mea koia, naa mou akonekina ai, mo ma‘u, mo ogo‘i, mo mamata ki ai, iate au, fai ia: bea e iate kimoutolu ae Otua oe melino.

10 Ka naaku fiefia lahi i he Eiki, koeuhi kuo toe ake ki mui ni hoo mou tokaga kiate au; aia naa mou tokaga ai foki, ka naa mou tae ha faiga-malie.

11 Ka oku ikai teu lea koeuhi ko ha majiva: he kuo akonekina au, keu fiemalie i he mea kotoabe teu i ai.

12 Oku ou ilo ke fai i he majiva, bea oku ou ilo ke fai i he ma‘u o lahi: kuo akonekina au i he botu kotoabe moe mea kotoabe ke makona be fiekaia, keu ma‘u o lahi bea ke kataki ae majiva.

13 Oku ou faa fai ae gaahi mea kotoabe ia Kalaisi oku ne fakamalohi‘i au.

14 Ka ne ogo ia, kuo mou fai lelei i hoo mou kau i he eku mamahi.

15 Bea koeni, ae kau Filibai, ke mou ilo foki, i he kamataaga oe ogoogolelei, i he eku alu mei Masitonia, nae ikai kau ha jiaji e taha kiate au i he fefoa-kiaki, ka ko kimoutolu be.

16 Naa mo eku i Tesalonika naa mou tokoni o liuga taha mo liuga ua ki he oku majiva.

17 Kae ikai i he eku holi ki ha foaki: ka oku ou holi ki ha fua e aoga kiate kimoutolu.

18 Ka kuo iate au kotoabe, bea lahi aubito: oku ou mahu, he kuou ma‘u ia Ebafalotaito ae gaahi mea meiate kimoutolu, koe gagatu oe mea namu kakala, koe feilaulau aoga, bea lelei ki he Otua.

19 Ka e taufetuku e hoku Otua ki hoo mou majiva kotoabe, o fakatatau ki he ene koloa i he nāunāu ia Kalaisi Jisu.

20 Bea koeni, ke i he Otua koe tau Tamai ae nāunāu o taegata bea taegata. Emeni.

21 Ofa atu ki he kaiga maonioni kotoabe ia Kalaisi Jisu. Koe kaiga oku iate au oku ofa atu kiate kimoutolu.

22 Oku ofa atu ae kaiga maonioni kotoabe kiate kimoutolu, kae lahi hake akinautolu oku i he fale o Sisa.

23 Ke iate kimoutolu kotoabe ae ofa a ho tau Eiki ko Jisu Kalaisi. Emeni.