Ngaahi Folofolá
Luke 6


Vahe 6

1 Oku valoki‘i e Kalaisi ae kau Falesi i he e nae lau ki he sabate: 13 oku ne fili ae kau abosetele e toko hogofulu ma toko ua: 17 oku fakamoui ae mahaki: 20 oku ne malaga ki he kau akoga he ao oe kakai: 27 be fefe e tau ofa ki ho tau gaahi fili: 46 ke talagofua i he e tau fanogo ki he lea: telia naa tau iga i he ahiaki, o hage koe fale kuo laga tae hano tuuga.

1 BEA koeni, nae ai ha sabate, nae alu ia i he gaahi goue uite; bea toli e he ene kau akoga ae fua oe uite, o momoji i ho nau nima mo nau kai.

2 Bea nae behe e he niihi oe Falesi kiate kinautolu, Koeha oku mou fai ai aia oku ikai gofua ke fai i he aho sabate?

3 Bea leaage a Jisu, o behe kiate kinautolu, Nae ikai te mou lau aia nae fai e Tevita, i he ene fiekaia, mo kinautolu nae iate ia;

4 A ene hu ki he fale oe Otua, bea ne too o kai ae ma oe ao, bea age foki kiate kinautolu nae iate ia; aia oku ikai gofua ke kai  ai ka koe kau taulaeiki be?

5 Mo ne behe kiate kinautolu, Koe Foha oe tagata koe Eiki foki ia oe sabate.

6 Bea i he hoko ki he sabate foki e taha, nae hu ia ki he fale lotu o ako ai: bea nae i ai ae tagata kuo mate hono nima toomatau.

7 Bea lamaji ia e he kau tagata tohi moe kau Falesi, be te ne fakamoui  ia i he  aho sabate; koeuhi ke nau ilo ha mea ke talakovi‘i ai ia.

8 Ka nae ilo eia e nau mahalo, bea ne behe ki he tagata nae nima mate, Tuu hake, o tuu mai ki loto. Bea nae tuu hake ia, o tuu  i ai.

9 Bea toki behe atu e Jisu kiate kinautolu, Teu fehui kiate kimoutolu ki he mea e taha; Koeha oku gofua ke fai i he aho sabate, koe lelei be koe kovi! koe fakamoui be koe tamate‘i?

10 Bea nae vakai folia eia akinautolu kotoabe, bea behe eia ki he tagata, Mafao atu ho nima. Bea ne fai ia: bea moui hono nima o hage ko  hono nima e taha.

11 Ka nae matuaki lili akinautolu: o nau fakakaukau be koeha te nau fai kia Jisu.

12 Bea behe, i he gaahi aho koia nae alu hake ia ki ha mouga ke lotu, bea lotu ai be ia ki he Otua i he bo o aho.

13 Bea kuo aho hake, bea ne ui kiate ia a ene kau akoga; bea naa ne fili iate kinautolu ae toko hogofulu ma toko ua, aia foki naa ne fakahigoa koe kau abosetolo;

14 Ko Saimone, (naa ne fakahigoa ko Bita,) mo Anitelu ko hono tokoua, mo Jemesi, mo Jone, mo Filibe, mo Bato-lomiu,

15 Mo Matiu, mo Tomasi, mo Jemesi koe foha o Alefiusi, mo Saimone oku ui ko Selote,

16 Mo Jutasi  koe tokoua o Jemesi, mo Jutasi Isikaliote, aia foki koe lavaki.

17 Bea nae alu hifo ia mo kinautolu, o tuu i he botu tafagafaga, fakataha mo ene kau akoga, bea nae ha‘u ae kakai toko lahi aubito mei Jutea kotoabe mo Jelusalema, moe matātahi o Taia mo Saitoni, ke nau fanogo kiate ia, mo moui mei ho nau gaahi mahaki;

18 Bea mo kinautolu nae mamahi i he kau laumalie uli: bea nae fakamoui akinautolu.

19 Bea holi ae kakai kotoabe ke nau ala kiate ia: he nae alu iate ia ae malohi, o fakamoui kotoabe.

20 Bea tagaki hake eia hono mata ki he ene kau akoga, o ne behe, Oku monuia akimoutolu oku majiva; he oku o moutolu ae buleaga oe Otua.

21 Oku monuia akimoutolu oku fiekaia ni: koeuhi e fakamakona akimoutolu. Oku monuia akimoutolu oku tagi ni: he te mou kata.

22 Oku monuia akimoutolu oka fehia ae kakai kiate kimoutolu, mo faka-mavahe‘i akimoutolu  meiate kinautolu, o taukae  kiate kimoutolu, bea li kitua ho mou higoa o hage koe kovi, koeuhi koe Foha oe tagata.

23 Mou fiefia i he aho koia, bea hobohobo i he fiefia: vakai, he oku lahi hoo mou totogi i he lagi: he nae fai behe e nau gaahi tamai ki he kau balofita.

24 Kae malaia akimoutolu oku koloaia! he kuo mou ma‘u hoo mou fiemalie.

25 E malaia akimoutolu oku makona! he te mou fiekaia. E malaia akimoutolu oku kata ni! he te mou tagi mo tagilāulāu.

26 E malaia akimoutolu oka lau‘i lelei akimoutolu e he kakai kotoabe! he nae fai behe a‘e nau gaahi tamai ki he kau balofita kākā.

27 Ka oku ou tala atu kiate kimoutolu oku fanogo, Ofa ki ho mou gaahi fili, fai lelei kiate kinautolu oku fehia kiate kimoutolu.

28 Tabuaki‘i akinautolu oku kabe‘i akimoutolu, bea hufia akinautolu oku fakakovi‘i akimoutolu.

29 Bea ko ia oku ne jibi‘i koe i ho kouahe e taha, fulihi  kiate ia ho kouahe e taha; bea mo ia oku ne ave ho bulubulu, oua naa taofi  ene ave mo ho kofu tua.

30 Foaki kiate ia fulibe oku kole kiate koe; bea ko ia oku ne ave hoo koloa oua naa  toe kole  ia.

31 Bea koia te mou loto ke fai e he kakai kiate kimoutolu, koia be foki te mou fai kiate kinautolu.

32 He kabau oku mou ofa kiate kinautolu  be oku ofa mai kiate kimoutolu, koeha ae fakafetai oku mou ma‘u? he oku ofa mai ae kau agahala kiate kinautolu oku ofaage kiate kinautolu.

33 Bea kabau oku mou fai lelei kiate kinautolu  be oku fai lelei kiate kimoutolu, koeha ae fakafetai oku mou ma‘u? he oku fai behe e he kau agahala.

34 Bea kabau oku mou atu mea  kiate kinautolu be oku mou amanaki ke ma‘u mei ai, koeha ae fakafetai te mou ma‘u? he oku atu mea ae kau agahala ki he kau agahala, ke  toe ma‘u hono tatau.

35 Ka mou ofa ki ho mou gaahi fili, bea fai lelei, mo atu mea, i he tae amanaki ke toe ma‘u; bea e lahi ai hoo mou totogi, bea e ui akimoutolu koe fānau ae Fugani Maoluga: he oku agalelei ia ki he taefakafetai bea moe kovi.

36 Koia mou manavaofa, o hage foki koe manavaofa a hoo mou Tamai.

37 Oua e fakamāu, bea e ikai fakamāu‘i akimoutolu: oua naa fakahalaia, bea e ikai fakahalaia akimoutolu: mou fakamolemole, bea e fakamolemolea akimoutolu:

38 Foaki, bea e foaki ia kiate kimoutolu; koe fua lahi, kuo fao lolo hifo, o lulu fakataha, bea fonu mahuohua, e atu ki ho mou fatafata. He koe fuofua koia te mou fua aki, e toe fua aki ia kiate kimoutolu.

39 Bea naa ne lea aki ae fakatātā kiate kinautolu, E faa taki e he kui ae kui? ikai te na to fakatouoji ki he luo?

40 Oku ikai lahi hake ae akoga i he ene akonaki: ka ko ia kotoabe oku haohaoa e hage ia ko ene akonaki.

41 Bea koeha oku ke tokaga ai ki he malamala‘i akau i he mata o ho kaiga, ka oku ikai te ke ilo ae fuu akau oku i ho mata?

42 Bea e fefe hao faa behe ki ho kaiga, Kaiga, tuku mai keu too ae malamala‘i akau oku i ho mata, ka oku ikai te ke ilo ae fuu akau oku i ho mata? Koe malualoi koe, tomua li ae fuu akau mei ho mata, bea te ke toki ilo totonu ke too mai ae malamala‘i akau mei he mata o ho kaiga.

43 He oku ikai ha akau lelei e tubu ai ae fua kovi; be ha akau kovi e tubu ai ae fua lelei.

44 He oku ilo ae akau kotoabe i hono fua oona. He oku ikai toli e he kakai ae fiki i he akau talatala, be koe fua oe vaine i he talatalaamoa.

45 Oku omi e he tagata agalelei aia oku lelei mei he koloa lelei i hono loto; bea oku omi e he tagata agakovi aia oku kovi mei he koloa kovi i hono loto: he oku lea a hono gutu mei he mea lahi oe loto.

46 Bea koeha oku mou ui ai au, Eiki, Eiki, kae ikai fai ae gaahi mea oku ou tala?

47 Bea ko ia fulibe oku ha‘u kiate au, o fanogo ki he eku gaahi lea, mo fai ki ai, teu fakaha kiate kimoutolu hono tatau:

48 Oku tatau ia moe tagata nae laga ae fale, bea keli maulalo, o ne ai hono tuuga ki he  fuga maka; bea i he tubu ae vaitafe, bea oho malohi ae vai ki he fale koia, nae ikai gau‘e ia; he nae fokotuu ia ki he maka.

49 Ka ko ia oku fanogo, kae ikai fai  ki ai, oku tatau ia moe tagata nae laga ae fale i he kelekele tae ha tuuga; bea nae oho malohi ae vai ki ai, bea holo leva ia; bea koe maumau oe fale koia koe mea lahi.