¶ 1 BEA i he heeki  fai ae  katoaga oe Lakaatu, nae ilo e Jisu kuo hoko hono aho ke alu ai i he mamani ki he Tamai, bea nae ofa ia kiate kinautolu nae aana oku i he mamani, bea ofa be ia ki ai o a‘u ki he gataaga.

2 Bea lolotoga ae ohomohe, kuo tomua ai e he tevolo ki he loto o Jutasi Isikaliote, koe foha o Saimone, ke ne lavaki‘i ia;

3 Bea kuo ilo e Jisu kuo tuku e he Tamai ae gaahi mea kotoabe ki hono nima, bea nae ha‘u ia mei he Otua, bea oku alu ki he Otua;

4 Nae tuu hake ia mei he ohomohe, o tuku hono kofu; bea too ae holoholo, o nonoo ia.

5 Bea toki liligi eia ae vai ki he ku-mete, bea ne kamata fufulu ae va‘e oe kau akoga, bea holoholo aki ae holo nae nonoo aki.

6 Bea ha‘u ai ia kia Saimone Bita: bea behe e  Bita kiate ia, Eiki, te ke fufulu hoku va‘e?

7 Bea leaage a Jisu, o behe kiate ia, Koia oku ou fai, oku ikai te ke ilo ni; ka te ke ilo amui.

8 Bea behe e Bita kiate ia, E ikai aubito te ke fufulu hoku va‘e. Bea talaage e Jisu kiate ia, Ka ikai teu fufulu koe, bea e ikai te ke kau mo au.

9 Bea behe e Saimone Bita kiate ia, Eiki, ikai ko hoku va‘e be, ka ko hoku nima mo hoku ulu.

10 Bea talaage e Jisu kiate ia, Ko ia kuo kaukau, oku ikai aoga ke fufulu ka ko hono va‘e  be, he oku maa kotoabe ia: bea oku maa akimoutolu, kae ikai kotoabe.

11 He naa ne ilo aia te ne lavaki ia; koia nae behe ai eia, Oku ikai te mop maa kotoabe.

12 Bea hili ene kaukau ho nau va‘e, nae ai hono gaahi kofu, bea toe nofo hifo, bea ne behe kiate kinautolu, Oku mou ilo aia kuou fai kiate kimoutolu?

13 Oku mou ui au koe Takimua moe Eiki: bea ko hoo mou lea totonu ia; he ko au ia.

14 Bea kabau ko au, koe Eiki moe Takimua, kuou fufulu ho mou va‘e; oku totonu hoo mou fetoutou fefufu-luaki ho mou va‘e.

15 He kuou tuku kiate kimoutolu ae fakatātā, koeuhi ke mou fai o tatau mo ia kuou fai kiate kimoutolu.

16 Koe mooni, koe mooni, oku ou tala kiate kimoutolu, Oku ikai lahi ae tamaioeki ki he ene eiki; bea oku ikai lahi aia kuo fekau‘i iate ia naa ne fekau ia.

17 Oku mou monuia i hoo mou ilo ae gaahi mea ni, o kabau te mou fai ki ai.

¶ 18 Oku ikai kau eku lea kiate kimoutolu kotoabe: oku ou ilo aia kuou fili: ka koeuhi ke fakamooni ae tohi Ko ia oku kai ma mo au, kuo hiki hono va‘e kiate au.

19 Bea ko eni oku ou tala ia kiate kimoutolu i he teeki ai hoko, koeuhi oka hoko ia, ke mou tui ko au ia.

20 Koe mooni, koe mooni, oku ou tala atu kiate kimoutolu, Ko ia oku ne ma‘u aia oku ou fekau, oku ne ma‘u au; bea ko ia oku ne ma‘u au, oku ne ma‘u aia naa ne fekau‘i au.

21 Bea hili ae lea koia a Jisu, bea mamahi ia i hono laumalie, o ne fakaha, o behe, Koe mooni, koe mooni, oku ou tala atu kiate kimoutolu, E lavaki‘i au e ho mou toko taha.

22 Bea fejiofaki ae kau akoga kiate kinautolu, o nau fifili be ko ene lea ki ahai.

23 Bea nae faaki ki he fatafata o Jisu ene akoga e toko taha, nae ofa ai a Jisu.

24 Koia nae kamokamo ai e Saimone Bita kiate ia, koeuhi ke ne fehui be kohai ia kuo ne lea ki ai.

25 Bea  lea falala eia ki he fatafata o Jisu, o behe kiate ia, Eiki, kohai ia?

26 Bea talaage e Jisu, Ko ia ia teu atu ki ai ae koga ma hili eku beke  ia. Bea hili ene beke ae koga, ne ne atu  ia kia Jutasi Isikaliote, koe foha o Saimone.

27 Bea hili ae beke, bea hu a Setani kiate ia. Bea behe e Jisu kiate ia, Koia oku ke fai, fai vave.

28 Bea nae ikai ilo e ha toko taha i he keinagaaga be koeha oku behe ai ene lea kiate ia.

29 He nae mahalo ae niihi, koe mea i he ma‘u e Jutasi ae kato, nae tala Jisu kiate ia, Fakatau aia oku tau majiva ai ki he katoaga; be, koeuhi ke ne foaki ha mea ki he majiva.

30 Bea ma‘u eia ae beke, o alu leva kituaa: bea kuo bouli.

¶ 31 Bea kuo alu ia kituaa, bea lea a Jisu, Ko eni kuo fakaogoogolelei ae Foha oe tagata, bea oku fakaogoogolelei ae Otua iate ia.

32 Kabau oku fakaogoogolelei ae Otua iate ia, e fakaogoogolelei ia e he Otua iate ia, bea te ne fakaogoogolelei leva ia.

33 Ae fānau ofeina, oku toe jii be eku iate kimoutolu. Te mou kumi au: bea hage ko eku tala ki he kakai Jiu, Koe botu oku ou alu ki ai, e ikai te mou faa hoko ki ai; oku behe ni eku lea kiate kimoutolu.

34 Oku ou tuku ae fekau foou kiate kimoutolu, Koeuhi ke mou feofaaki kiate kimoutolu; bea hage ko eku ofa kiate kimoutolu, ke mou feofaaki foki kiate kimoutolu.

35 I he mea ni e ilo ai e he kakai kotoabe ko eku kau akoga akimoutolu, o kabau te mou feofaaki kiate kimoutolu.

¶ 36 Bea lea a Saimone Bita kiate ia, Eiki, oku ke alu kife? Bea talaage e Jisu ki ai, Koia oku ou alu ki ai, oku ikai te ke faa muimui ni iate au; ka te ke muimui iate au amui.

37 Bea fehui e Bita kiate ia, Eiki, koeha e ikai teu muimui ai ni kiate koe? Teu tuku hifo eku moui koeuhi ko koe.

38 Bea beheage e Jisu kiate ia, Te ke tuku koa hoo moui koeuhi ko au? Koe mooni, koe mooni, oku ou tala atu kiate koe, E ikai uua ae moa, kae tuo tolu hao fakafiji kiate au.